"Дені саудың-жаны сау"

Шаған жалпы орта білім беретін мектебі

Тақырыбы:

«Дені саудың- жаны сау»

Өткізген: 1 «а» сынып жетекшісі:

Каримова А.Е.

2018-2019 жылы

Мақсаты:Оқушыларды салауатты өмір сүруге және жас ұрпақты зиянды заттардан аулақ болуға үйрету,денсаулық адам баласының азбас қазынасы екендігін түсіндіру.Оқушыларды ұқыптылыққа,таза жүруге тәрбиелеу.

Көрнекілігі: Қанатты сөздер,мақал-мәтелдер.

Барысы:Оқушылар бүгінгі тәрбие сағатымыздың тақырыбы « Дені саудың - жаны

сау »деп аталады.

Денсаулық – ең қасиетті де, құнды, жоғалса қайта орнына қиындықпен келетін,орны толмас асыл қазына.

«Дені саудың- жаны сау». «Денсаулық-зор байлық»деген мақалдар да тегін айтылмаса керек.Денсаулық болса,бәрі де болады.Дені сау адамның көңілі шат,өмірі бақытты.Жан-адамның ішкі дүниесі, ішкі жаратылысы.Олай болса,дені саудың-жаны да сау. Сондықтан әрбір оқушы өз денсаулығына саналы жауапты қарап,сақтау керек.

1-оқушы:

Денсаулық –ол шыныққан,

Барлық денең мүшесі.

Денсаулық – ол тыныққан,

Жүйке тамыр жүйесі.

2- оқушы:

Денсаулық – ол күлуің,

Көңіл –күйің жадырай.

Денсаулық – ол жүруің,

Ешбір жерің ауырмай.

3- оқушы:

Балдырған баламыз,

Досты көп табамыз.

Кикілжің ,ренішті

Білмейді арамыз.

4- оқушы:

Істердің бәрін де,

Келісіп аламыз.

Адал да, әділ де,

Сенімді баламыз.

5- оқушы:

Жан сезімің өзіңнің

Көңіл-күйің сезімің.

Денсаулыққа шат ,қуаныш,

Сезімді рахат, жұбаныш.

Мұғалім: Ал, балалар, дәрумендер (витаминдер)туралы кім не біледі екен?Қандай дәрумен қай тағамда кездеседі екен?

1-оқушы: «А» дәрумені асқабақта, өрікте және салаттарда болады.

2-оқушы: «Б» дәрумені болса балық, картоп, сиыр еті,жаңғақ сияқты тағамдарда болады.

3-оқушы: «С» дәрумені қарақат, алмұрт тағы басқа жемістерде кездеседі.

Мұғалім:Балалар,енді жұмбақтар айтып көрейік.

1-оқушы:

Дымқылдап күнде сен,

Қолыңа үйкейсің

Кетіп кір-ласың

Тап-таза боласың.

(Сабын)

2-оқушы:

Аузы жоқ,көзі жоқ,

Тілі жоқ ,сөзі жоқ.

Бірақ та тісі бар

Басыңмен ісі бар.

(Тарақ)

3-оқушы:

Шомылған баланы,

Аймалап алады.

Сүртеді қолын да,

Сүртеді жанын да.

(Сүлгі)

4- оқушы:

Уай біз едік,біз едік,

Отыз екі қыз едік,

Қатар –қатар тізілдік,

Кезек-кезек үңілдік.

(Тіс)

Мұғалім:Балалар, денсаулыққа байланысты қандай мақал-мәтелдер білесіңдер?

1. Тазалық- денсаулық кепілі.

2. Денсаулықтың қадірін ауырғанда білерсің.

3. Теледидар көп қарама

Көзің талар

Сағыз көп шайнама

Аузың талар .

Мұғалім:Балалар,енді біз ойын ойнайық.Ойынымыз «Иісіне қарай ажырат»деп аталады.Ойын барысы.Оқушылар көздерін жұмып ,таныс иісті ажырату керек.Оқушылардың мұрнына әр түрлі нәрселерді иіскетіп ,иіс сезу қабілеттерін тексеру.(алма,пияз, апельсин. т. б.)

Сабақты қорытындылау:Денсаулық – тазалық,ұқыптылық, дұрыс тамақтану, спортпен айналысу,көңіл-күйдің көтеріңкі болуы,адамдармен дұрыс қарым-қатынас жасау,ерте тұру т. б. Олай болса , «Денсаулық -зор байлық.» «Дені саудың-жаны

сау » деген мақалдардың мәні осында жатса керек.Байлығымызды сақтап,оны жоғалтудан қорғайық. Еліміздің болашағы,дендері сау азаматтардың қолында.Сондықтан келешегімізді сақтай білейік.