«Денсаулық-зор байлық" атты спорттық ойын-сауық.

Тақырыбы: «Денсаулық- зор байлық».
Мақсаты: Денсаулық туралы, денсаулықтың қадірі туралы балаларға түсінік беру, эстафета  ойындары арқылы балалардың денсаулығын нығайтып, ептілікке, жылдамдыққа тәрбиелеу, дене шынықтыруға деген қызығушылығын арттыру.

Міндеті:  Жүру, жүгіру, секіру жаттығулары арқылы қозғалыстың негізгі түрлерін орындаудың қарапайым дағдыларын қалыптастыру;  балалардың барлығы бірге, бір қарқында қозғалуына үйрету;
Көрнекі-құралдар: үнтаспа, суреттер, шарлар, кеглилар, шығыршықтар,арқан,доптар.
Әдіс-тәсілдер: Түсіндіру, сұрақ-жауап, жаттықтыру, ойнату, мадақтау, қорытындылау.
Сайыстың барысы: Балалар залға сап түзеп музыка әуенімен кіреді.
Тәрбиеші: Қадірлі қонақтар, жарқын болашаққа кең қадам басқан бүлдіршіндер «Денсаулық мол бақыт» атты спорттық ойын-сауығына қош келдіңіздер!
      Тәрбиеші: Денсаулық мықты болып, ауырмау үшін не істеу керек ?
Балалар: Үнемі жеке бас тазалығын сақтап, денені шынықтыру, тамақты дұрыс ішу, күн тәртібін сақтау керек.
Тәрбиеші: Дұрыс айтасыңдар.
Тәрбиеші: Балалар кім маған денсаулық туралы мақал-мәтел айтып береді ?
1-бала: Дені саудың-жаны сау.
2-бала: Денсаулық-зор байлық.
3-бала: Тазалық-денсаулық кепілі.
Тәрбиеші: Жарайсыңдар балалар, мен сендерге ризамын.
- Балалар, дендерін сау болу үшін спортпен шұғылдану керек дедіңдер, ендеше мен сендерге өздеріннің епті, мықты шапшаң екендерінді көрсету үшін жарысқа шақырамын.

Қазір екі командаға бөлінеміз.Менің сиқырлы сандығымның ішінде қызыл және көк жұлдызшалар бар.Сендер келіп бір жұлдызшаны аласыңдар және көктер немесе қызылдар командасына барасыңдар.

Мыстан Кемпір:

Мына жердегі не жиын?

Құрып кетіңдер,шіркін!

Мерекенің шырқын бұзамын,

Қазір бәрінді қуамын!

Кетіндер!Кетіндер!

Тәрбиеші: Әже, Сіз неге сонша заланып тұрсыз?

Мыстан Кемпір:Неге,неге?Уфф, ешкім мені жақсы көрмейді,ешкім күтпейді.Жалғыз болып әбден ішім пысты.Ешкім қонаққа да шақырмайды,барар жерім, басар тауым жоқ.Достарым да жоқ.Не деген әділетсіздік?

Тәрбиеші:Қапалаңба Мыстан біз сенімен дос болайық!

Мыстан Кемпір:

Қандай керемет,

Сендерге балалар рахмет!

Ал сендер ойнауды жақсы көресіңдер ме?

Тәрбиеші:Ал енді спорттық мерекемізді бастайықҚазылар алқасын  анықтау.

1.«Миналардан өт» жарысы команданың барлық мүшелері кеглилардың арасымен өту керек.Бірінші болған команда жеңеді.

2.«Шарларды жина» командалар шарларды бір себеттен екінші себетке тасып апарады .

Мыстан Кемпір:

Қандай епті, қандай шапшаң екенсіңдер!Сендерге қарап менің де жаттығу жасағым келіп кетті.

Музыка ырғағымен орындалатын жаттығулар.

Мыстан Кемпір: Уфф,шаршағанымай!!!Одан да сендерге қарап демала тұрайын.

3.Эстафета «Өзеннен өткізу» Команда капитандары өз командадағы балаларын бір бірден шығыршықтың ішіне кіргізіп өзеннің арғы бетіне өткізеді.

Мыстан Кемпір: Ал көрдім епті, шапшаң екенсіңдер.Ал спорттық құралдарды жақсы білесіңдерме?Мен сендерге жұмбақ жасырамын,кәне шешіп көріңдер!

Жұмбақтар шешу:

Табаныма байладым ,

Қос аяқпен айдадым. (шаңғы)

Бала бiткен соғады,

Жеңiл шарды домалақ.

Ұрсаң

Ұшып жоғары,

Жерге түсер домалап. (доп)

Мiнсем,

Төменге зу етем,

Өрлесем,

Оны өзiм сүйретем.   (Шана)

Темiр тайым,

Тамақты еш жоқтамайды.  (Велосипед)

Жылғадер ем ақпайды,
Жылан дер ем — шақпайды.(Арқан)

Арқан тарту ойыны.

Мыстан Кемпір: Жарайсыңдар барлық жұмбақтарымды шешіп қойдыңдар.Менімен бірге ойын ойнайсыңдар ма?

«Өз үйшігінді тап» ойыны.

Зал бойымен шығыршықтар қойылады.Бұл үйшіктер.Балалар әуең косылғанда ортада билеп ойнайды,сөнгенде тез барып бос «үйшікке» тұра қалады.Үйшіксіз қалған балалар ойыннан шығады.

Тәрбиеші:Бізде соңғы тапсырма қалды «Секіршектер» деп аталады.

Сендер үлкен допқа отырып белгіге дейін секіріп баруларын керек.

Қазылар алқасы командалардың ұпайларын санап,женімпаздарды медальдармен марапаттайды.

Мыстан Кемпір:Бүгінгі спорттық сайыстарын керемет болды.Сондай мықты епті,шапшаң және ақылды екенсіндер.Ал менің орманға қайтатым уақытым келді.Қош сау болыңдар
балақайлар!

Тәрбиеші:

Осымен бүгінгі «Денсаулық-мол бақыт» атты спорттық ойын-сауығымыз аяқталды. «Сау дене, азат ақыл, адал көңіл – үшеуімен бақытты болады өмір», - деген нақыл сөз бар. Айтқанымыздай, дені сау, құрыш білікті, батыл жүректі, салауатты өмір салтын орнықтыруға дайын ұрпақ болып өсейік, ешқашан ауырмай, өз денсаулықтарыңды күтіңдер! Аспанымыз ашық, деніміз сау болсын. Сау болыңыздар.
 

Тәрбиеші: Утемисова Жанерке

Дене тәрбиесі жетекшісі: Мукишева Меруерт