Дидактикалық ойын арқылы балалардың тілін дамыту.

Дидактикалық ойын арқылы балалардың тілін дамыту.

Баланы жан-жақты тәрбиелеу,оның дүниетанымын жетілдіру,сөздік қоры мен сөйлеу тілін дамыту балабақшадағы барлық топтарға бірдей ортақ басты міндеттерді қалыптастыру.Баланың тілін дамыту мақсатында ауызекі сөйлеу мәдениетіне тәрбиелеу,байланыстырып сөйлеуді дамыту мен сөздік қорын дамыту үшін сабақта және сабақтан тыс уақытта ойналатын дидактикалық ойындардың маңызы зор.

Балабақшада мектеп жасына дейінгі балаларды оқытуда дидактикалық ойын маңызды құрал болып есептелінеді.Дидактикалық ойындар арқылы баланың сөздік қоры дамып,ауызша сөйлеу машығын игереді,таным белсенділіктері қалыптаса түсіп, ақыл-ойы өсіп жетіледі,зейіні,есте сақтау дағдылары қалыптасады және өзін-өзі бақылауға үйретеді.

Көптеген дидактикалық ойындар балалардың жекедара ойнауына арналған(мозаика,пирамида),олар баланың дербестігіне аңғарғыштығына,өздігінен еңбек етуге жетелейді.Дидактикалық ойындар әр топта балалардың жас ерекшеліктеріне байланысты іріктеледі.Дидактикалық ойындарды іріктеуде баланың ойынды саналы түсініп,ойын шартын дұрыс орындауға тырысып,белгілі бір нәтижеге жету мақсаты көзделеді.

Дидактикалық ойынның нәтижесі қандай жолмен болса да өтеу емес,балаларды білімді игеру,ақыл-ой қызметін дамытуда,өзара қарым-қатынас жасауда жеткен жетістіктерінің көрсеткіші.Дидактикалық ойындар да балалардың алдында қандай да бір міндеттер қойылады,оларды шешу үшін назарды жұмылдыру,ерікті зейін қою,ережені ой елегінен өткізе білу балалардың түйсіну және қабылдау қабілетін дамытуға,ұғымдарын қалыптастыруға,білімді меңгеруіне көмектеседі.

№1 «Арман» бала-бақшасы.

№13 «Қошақан»тобының тәрбиешісі: Аугапасова Лаура Темірбекқызы.