“Димаш Құдайберген – әлемді мойындатқан қазақ жұлдызы.”

Димаш Құдайберген – әлемді өзінің ерекше дауысымен таңғалдырған қазақстандық әнші. Оның даңғыл жолы еңбек пен таланттың үйлесімінен құралған. Кәсіби музыканттар «вокалдық феномен» деп бағалайтын Димаштың жетістікке жету жолы көптеген жас өнерпаздарға үлгі.

Димаш 1994 жылы 24 мамырда Ақтөбе қаласында өнерлі отбасында дүниеге келді. Оның ата-анасы да танымал әншілер болғандықтан, бала кезінен музыкаға жақын болды. Алғашқы музыкалық білімін Ақтөбе қаласындағы музыкалық мектепте алды. Кейін Қазақ ұлттық өнер университетінде білімін жетілдіріп, кәсіби вокал шеберлігін шыңдады.

Димаштың үлкен сахнаға шығуы 2015 жылы «Славян базары» байқауынан басталды. Ол бұл конкурста Гран-при жеңіп алып, алғаш рет халықаралық деңгейде танылды. Осы жеңісінен кейін оның есімі Қазақстаннан тыс жерлерде де таныла бастады.

Нағыз әлемдік даңққа Димаш 2017 жылы Қытайда өткен Singer байқауына қатысқан кезде жетті. Ол сол жерде өзінің керемет вокалдық қабілетін көрсетіп, қытайлық тыңдармандардың жүрегін жаулады. Оның «Sos dun terrien en détresse», «Adagio», «Unforgettable Day» сияқты әндері миллиондаған көрерменнің сүйіспеншілігіне бөленді.Димашш Құдайберген бүгінде әлемнің ең беделді сахналарында өнер көрсетіп келеді. Ол Нью-Йорктегі, Лондондағы,Мәскеудегі Сарайларда әйгілі концерт залдарында жеке концерттерін өткізді.Оның репертуары бірнеше тілде орындалатын әндерден тұрады: қазақ, орыс, ағылшын, француз, қытай, итальян және басқа да тілдерде ән айтады. Бұл оның өнерінің шекарасыз екенін дәлелдейді.Димаш тек әнші ғана емес, сонымен қатар қазақ мәдениетін әлемге танытушы өнерпаз. Ол әрдайым ұлттық музыка мен дәстүрді насихаттап, концерттерінде қазақтың домбырасын қолына алып, ұлттық әндер орындайды. Оның арқасында көптеген шетелдік тыңдармандар қазақ мәдениетіне қызығушылық таныта бастады.Димаш Құдайберген – өз талантымен, еңбегімен және ерекше даусымен әлемді мойындатқан дарынды әнші. Ол қазақ музыкасының халықаралық деңгейде танылуына үлкен үлес қосып келеді. Оның жетістігі – дарын мен табандылықтың, еңбек пен арманның ұштасуының жарқын мысалы.