Дін мен Діл

М.Х.Дулати атындағы Тараз өңірлік университеті

БОСАҒАН БІЛІМ БЕРУ ГРАНТТАРЫН ТАҒАЙЫНДАУ БАЙҚАУЫН ӨТКІЗУ ТУРАЛЫ

Құрметті білім алушылар!

2019-2020 оқу жылындағы жазғы емтихан сессиясы нәтижесі бойынша жоғары білім алу үдерісі барысында босаған бос білім беру гранттарын тағайындау үшін байқау жарияланады.

Қазақстан Республикасы Үкіметінің «Жоғары білім алуға ақы төлеу үшін білім беру грантын беру ережесін бекіту туралы» 2008 жылдың 23 қаңтарындағы №58 (13.06.2018ж. №345 өзгерістер мен толықтырулар енгізілген) Қаулысының 2-1 тармақшасына сәйкес жоғары білім алу үдерісі барысында босаған білім беру гранттары мамандықтар бойынша ақылы негізде білім алушылар арасында байқау өткізу арқылы тағайындалады.

        Жоғары білім алу үдерісі барысында босаған білім беру гранттарын тағайындау каникул кезінде байқау негізінде іске асырылады.

         Байқау аралық аттестаттау нәтижесі бойынша жүргізіледі және білім беру грантын тағайындау туралы куәлік беріледі.

Босаған білім беру грантын алуға байқау жүргізу кезінде үлгерімнің орташа балының көрсеткіші бірдей болған жағдайда оқудың барлық мерзімі бойынша  тек А,А- («өте жақсы»), одан соң А, А- («өте жақсы») бастап В+, В, В- («жақсы»), деген бағалары бар үміткерге басымдық беріледі.

  Қажетті құжаттар тізімі:

1. Ақылы негізде оқитын студенттің білім беру гранты бойынша оқуы туралы ЖОО ректоры атына жазылған өтініші.

2. Білімгердің транскрипті.

3. Білімгердің жеке басын куәландыратын құжат көшірмесі

4. Әлеуметтік мәртебесі туралы анықтама (қажет болған жағдайда).

Мамандықтар/ББ бойынша босаған білім беру гранттарының саны

(01.07.2020 жылға)

Назар аударыңыздар! Грант иегерлерінің (оның ішінде бос гранттар) назарларына!

Қазақстан Республикасы Үкіметінің «Маманды жұмысқа жіберу, өз бетімен жұмысқа орналасу құқығын беру, мемлекеттік білім беру тапсырысы негізінде білім алған азаматтарды жұмысын өтеу жөніндегі міндетінен босату немесе олардың міндетін тоқтату қағидаларын бекіту туралы» 2012ж. 30 наурыздағы №390 Қаулысына сәйкес:

3.Педагогтік, медициналық және ветеринариялық мамандықтар бойынша ауыл жастары қатарынан шыққан азаматтарға берілетін квота шегінде оқуға түскен азаматтар жоғары және (немесе) жоғары оқу орнынан кейінгі білім беру ұйымын (бұдан әрі – ЖОО) бітіргеннен кейін кемінде үш жыл ауылда, кентте, ауылдық округте (бұдан әрі – ауылдық жер) орналасқан тиісті мемлекеттік білім беру ұйымдарында, мемлекеттік медицина ұйымдарында, қызметін ветеринария саласында жүзеге асыратын мемлекеттік органдардың бөлімшелерінде не мемлекеттік ветеринариялық ұйымдарда жұмысты өтейді.

3-1. Педагогтік, техникалық және ауыл шаруашылығы мамандықтары бойынша квота шегінде оқуға түскен ауыл жастары қатарынан шыққан азаматтар ЖОО-ны бітіргеннен кейін оқыған жері бойынша өңірде кемінде үш жыл жұмысты өтейді.";

4.Педагогтік және медициналық мамандықтар бойынша мемлекеттік білім беру тапсырысы негізінде оқуға түскен Қазақстан Республикасының азаматтары ЖОО-ны бітіргеннен кейін мемлекеттік білім беру ұйымдары мен мемлекеттік денсаулық сақтау ұйымдарында кемінде үш жыл жұмысты өтейді.

 4.1. Басқа мамандықтар бойынша мемлекеттік білім беру тапсырысы негізінде білім алған азаматтары ЖОО-ны бітіргеннен кейін кемінде үш жыл меншік нысанына қарамастан ұйымдарда жұмысты өтейді.

Университет әкімшілігі

Өтініш үлгісі

ҚР БжҒМ мемлекеттік білім гранттарын

беру комиссиясына

М.Х.Дулати атындағы Тараз

өңірлік университеті

____________________________________

(мамандығы/ ББ, курсы)

____________________________________

студенті ____________________________

(аты-жөні, тегі)

___________________________________

ӨТІНІШ

Маған білім грантын беру туралы мәселені қарастыруыңызды сұраймын.

Транскрипт тіркелген.

«___»__________20___ж. __________________________

(қолы)