Сабақтың тақырыбы: «Жүз кітап» жобасы аясында өтетін «ХХ ғасыр мен ХХІ ғасыр Қожасы».

Сабақтың мақсаты: Оқушылар «Жүз кітап» жобасы аясында өтетін «ХХ ғасырдың Қожасы мен ХХІ ғасыр Қожасын» салыстыра алады. Сыни тұрғыда ойлана отырып Қожа бейнесін аша алады.Қызығушылықтары артады,ойларын,пікірлерін еркін айтуға, өз көзқарастарын дәлелдей алады.

Міндеттері: 1.Әңгімедегі кейіпкерлер бейнесін талдау жасап,олардың ішкі жан дүниесін ашады.

2. Кейіпкерлер іс-әрекеті арқылы ой қозғатып,оқушылардың танымдық қабілеттері артады.

Күтілетін нәтиже: Жазушы шығармалары арқылы әр оқушының өзіндік ой-қиялына ерік бере отырып, өзінше ой түюуге үйренеді.Қожа бейнесі арқылы,оқушылар адамгершілікке,мәдениеттілікке,әдебиетті сүюге,үлгі-өнеге алуға үйренеді.Жағымсыз қасиеттерден аулақ болу керек екенін түсінеді.

Сабақ өту әдісі: ой қозғау,шығармашылық ізденіс,қорытындылау.

Сабақтың түрі: пікір сайыс

Пәнаралық байланыс: тарих

Сабақтың барысы: І.Ұйымдастыру кезеңі

а) оқушылардың, тыңдармандардың назарын сабаққа аудару.

б) сабақтың мақсатымен таныстыру.

Сабақтың барысы

Мұғалім. Құрметті оқушылармен ұстаздар! «Жүз кітап» жобасы аясында өтетін «ХХ ғасыр мен ХХІ ғасыр Қожасы» атты дөңгелек үстелге қош келдіңіздер.Бүгінгі сабағымыздың басты мақсаты ХХ ғасыр мен ХХІ ғасырдың Қожасын салыстыра алуына түсінік қалыптастыру,сананы жаңғырту жайлы түсініктерін арттыру.

1. Қожа қандай бала болды?

2. Қожаның іс-әрекеті дұрыс деп ойлайсыңдар ма?

3. Қожаның оқулық сатып алуда кезекші мұғалім Сәбира Майқановаға өтірік айтуы дұрыс деп ойлайсыңдар ма ?Сендер Қожаның орнында болғанда қандай іс-әрекет жасар едіңдер?

4. Қожаның «Менің арманым» тақырыбындағы жазған шығармасында ішкі ой қандай болды деп ойлайсыңдар?

5. Мектеп жанында кезіккен сыныптасы Жантас Қожаға не деп айтып еді, содан кейінгі Қожаның әрекеті қандай болды? Қожаны қиын бала қатарына жатқызуға бола ма?

6. Сұлтанға еріп «бұзық бала» атануына көзқарастарың қандай? Қожа секілді балалар араларыңда кездесе ме ?

7. Қас дұшпаны санап жүрген Майқановаға деген көзқарасының өзгеруіне не себеп болды?

8. Сұлтан мен Қожаның бірге жайлауға бара жатқан сәті қандай болды?

9. Қожаның түзелуіне не себеп болды деп ойлайсыңдар?

10. Қожа береген уәдесінде тұрды ма?

Мұғалімнің сөзі:

Балалар, өздеріңнің іс-әрекетерің Қожаға ұқсаса да, үлкейгенде сендерден «үлкен азамат шығады деп ойлаймын.Бердібек аталарың сияқты, бірің жазушы болсаң,енді бірің ғұлама ғалым, ел тілегін ақтайтын Қазақстанның болашақ ұл-қыздары болатындарыңа сенемін».

Оңтүстік Қазақстан облысы

Қазығұрт ауданы

«Жаңаталап» жалпы орта мектебі

Дөңгелек үстел

«Жүз кітап» жобасы аясында өтетін «ХХ ғасыр мен ХХІ ғасыр Қожасы».

Қазақ тілі мен әдебиет пәнінің мұғалімі: К.Рахимбекова

2017-2018 оқу жылы