Достарым жайлы

Қозкенов Қазыбек Бағытжанұлы

Достарым жайлы

Тимур досым қазір жұмыс қуалаған,
Сұңғақ бойы 2 метрді жобалаған,
Ақ көңіл, жарқын жанды, ұяң мінез,
Тауып айтқан сөздері аңыз болған.
Досым бар тағы да бір жылы қанды,
Не десең де түсініп, ұғар жанды,
Ең алдымен Айдарбекке айтып келем,
Өзімнің ініме де айтпағанды.
Алтынбек бәрімізді күлдіретін,
Әйтеуір бірдеңені бүлдіретін,
Күрестен биік-биік орын алып
Вес түсіріп әрқашан жүгіретін.
Елімнің Төрехан атты азаматы,
Жарысып есептерді шығаратын,
Матемнан бақылау болар кезде,
Ең жақын досымыз сол болатын.
Көретін әр адамның жақсы жағын,
Өнерге де, спортқа болған жақын,
Алмас менің серігім бірге жүрген,
Түн ішінде неше түрлі қызық көрген.
Жандос деген егізім бала кезден,
Өмірдің көшелерін бірге кезген,
Егіз дейтін сыңар емес, ұқсамайды,
Мендей емес, жұдырығы болар жезден.
Есен-аман оралсын кеткендерің,
Ұмытпассың, мені жақсы білгендерің,
Тілеулеспіз, бізге жақсы осылайша
Аман-есен араласып жүргендерің…