Дұрыс таңдалған мамандық –болашақтың алтын кілті.

Мамандықтың бәрі де маңызды. Мектеп – балаларды білім нәрімен сусындатып,болашаққа бағыт сілтейтін адам өміріндегі ең маңызды ошақ. Мектеп – шәкірттерді тек білім нәрімен сусындатып қана қоймай, олардың болашағына даңғыл жол салып береді. Әрбір шәкірттің ертеңіне алаңдаған ұстаз олардың кемел келешектің иесі ,білімді тұлға болуын қалайды.. Қазіргі жаңа білім беру жүйесіндегі білім беру мазмұны тұлғаға бағытталуын, олардың белгілі бір мамандықты игеруіне ықпал етуін қамтиды. Сондықтан жеткіншек балалардың өз қабілеттері мен мүмкіндіктеріне қарай жүрек қалауымен жақсы мамандық таңдау жолында бағдарлы білім алып, әрқайсысы дүниенің бір – бір кірпіші болып қалануына тілектес жандар. Мектептегі білімді маман – мектеп қабырғасындағы жас жеткіншектердің өмірлік ұстанымын қалыптастырушы –ұлы тұлға.Мамандық таңдау бар адам баласы үшін өте маңызды.Адам баласы мектеп табалдырығын аттаған соң, белгілі бір мамандық таңдап сол мамандық иесі болу үшін әрекет ету керек.Қазіргі заман талабына сәйкес әр адам өз өмірінде мамандық таңдаудан қателеспеу керек. Дұрыс таңдалған мамандық ертеңгі елдің дамуына,жалпы қоғамның дұрыс құрылуна да зор әсері бар.Дұрыс бағыт алып ,мамандықты дұрыс таңдаған жастарда өз мамандығына деген сүйіспеншілігі, қызығушылығы болып өз саласының майталман маманы болады.Мамандықтың жаманы жоқ ,әр мамандықтың қоғам үшін қосар үлесі болады.Сол мамандықты таңдауда мектеп қабырғасындағы ұстаздар мен тәрбиеге аса мән беріп,балаларының болашағынан үлкен үміт күтетін ата- аналарымыздың да үлесі үлкен.Бұл жерде білім ордасы мен отбасы ынтымақтастығының жұмысы,балалардың ұмтылысы мен қызығушылығы,ынтасы мен ерік-жігері , төзімділігінеде аса мән берген жөн.Өздеріңің таңдаған мамандықтарының қыр- сырын танып білуге деген қызығушылықтары болашақ маман иелерін биік белестерге ұмтылуға құлшыныстарын арттырады.Әр баланың мен өзімді қай салада көргім келеді?-деген үлкен сұраққа жауап іздеуі ,сол жауап негізінде мамандықды дұрыс таңдауына үлкен ой салары сөзсіз. Болашақ ел тұтқасы болар жастарымыздың болашағының дұрыс құрылуына бірлесе ат салысайық!

Өз ұрпағымыздың қолына бақыт кілтін дұрыс тапсырып,өмірлерінің мән- мағыналы болуына дұрыс бағыт- бағдар берер асыл ата- аналар мен білімді ұстаздарымыздың еңбектері елене берсін!

Жанүзақова Зиягүл Жақыпберқызы.

Еңбекшіқазақ ауданы « Таңшолпан» бөбекжай- балабақшасы.