№ 52. Дыбыстық талдау

Ұйымдастырылған іс-әрекеті: Сауат ашу негіздері

Міндеттері:

1. Сөзді буынға бөлу, дыбыстық талдау жасау, сөйлем құрай алу дағдыларын бекіту.

2. Буындарға буын қосып сөз құрап айтуға жаттықтыру арқылы зейін, есте сақтауларын дамыту.

3. Ұйымшыл болуға тәрбиелеу.

Қолданылатын көрнекі құрал-жабдықтар: № 2 жұмыс дәптері

І. Ұйымдастыру

Топқа бөлу.

І – топ: Дауысты дыбыс.

ІІ – топ: Дауыссыз дыбыс

Мұғалім оқушылардың қызығушылығын арттыру мақсатында өлең жолдарын оқушылармен бірге айтады.

Бір, екі, үш,

Сынып іші тып – тыныш.

Жалқаулықты тастаймыз.

Сабақты біз бастаймыз.

ІІ. Өткенді пысықтау.

Өткен сабақты қайталау мақсатында «Wordwall» әдісі арқылы тапсырма орындалады.

– Балалар, мен сендерге заттардың атын айтпай сипаттаймын. Ал сендер табуға тырысыңдар. «Сипатынан тап»

1. Бұл – жейтін зат. Ақ, тәтті, қатты. (қант)

2. Бұл – жеміс. Сары, сопақ, қышқыл. (лимон)

3. Бұл – аң. Ақ, мамық, құлағы ұзын. (қоян)

4. Бұл – ойыншық. Домалақ, үлкен, жеңіл.(доп)

Бағалау: Жарайсыңдар!

ІІІ. Негізгі бөлім.

Жаңа сабақ

Дидактикалық ойын-жаттығу: «Жалауша»

Мұғалім қандай да бір дыбысты айтады, егер дыбыс дауысты болса, балалар қызыл жалаушаны, егер дыбыс дауыссыз болса, көк жалаушаны желбіретеді.

Бағалау: Жарайсыңдар!

«ЖИ». Дидактикалық жаттығу: «Буын санын тап»

– Балалар, бейнежазбаға назар аударады. Жазбада айтылған сөздерде буын саны қанша болса сонша рет шапалақ ұрады.

Мысалы: гүл, жүзім, алма, қатық, апорт, от, пима, Ұлбала, қайшы, ұл, ыдыс, т.б.

Бағалау: Жарайсыңдар!

Топтық жұмыс

Сурет бойынша әңгіме құрау.

Бағалау: Жарайсыңдар!

Тақтамен жұмыс

Суретте берілген торт, ұшақ сөздеріне дыбыстық талдау жасап, дыбыс пен буын санын жазады.

Мұғалім дыбыстық талдау жасау үшін, бір балаланы тақтаға шақырады. Қалғандары орындарында тапсырманы орындайды. Тақтадағы дыбыстық талдаумен дәптердегі жұмыстарын тексереді.

Тақтаға сөдердің сызбасын іледі.

Торт сөзіне дыбыстық талдау жасатады.

Торт –1 буын, 4 дыбыс.

Ұшақ сөзінің дыбыстық талдауы.

Ұшақ – 2 буын, 4 дыбыс.

Бағалау: Жарайсыңдар!

Сергіту сәті

Жеке жұмыс

Оқушылар өздеріне берілген қима қағаздағы тапсырманы орындайды

Бағалау: Жарайсыңдар!

Саусақ жаттығуы

Алақанды ысқылап,

Қыздырайық балақай.

Алақаның ысыды,

Қараңдаршы алақай!

Дәптермен жұмыс

Үзік сызықтарды бастыр, жалғастырып жаз.

Мұғалім графикалық жұмысты бастамас бұрын үстелде отыру ережесін естеріне түсіріп қайталайды. Дұрыс отырмаудың денсаулыққа, адам сымбатына зиян екенін айтып өтеді. Қарындашты қолдарына алғызып, алдымен ауада жаздырады.

Бағалау: Жарайсыңдар!

IV. Сабақты бекіту.

«Wordwall» әдісі арқылы оқушылардың бүгінгі сабақ бойынша алған білімдерін тексеру

V. Қорытындылау.

Рефлексия

Мұғалім ұйымдастырылған іс-әрекетін қорытындылайды. Балаларды мақтап, оларға жетістікке жету үшін еңбектену керектігін айтады.

Ұйымдастырылған іс-әрекеттің қызықты өткенін және ұнағандығын сұрап білу.

• Тапсырмаларды орындау барысында қиналған сәттерің болды ма? Қай тапсырмада?

• Егер сендерге бүгінгі тапсырмаларды орындау жеңіл және қызық болса, көңілді смайлды, ал егер тапсырмаларды орындауда қиналсаңдар және қызықсыз болса, көңілсіз смайлды бояңдар.