Күні: 05.02.2025 ж

Тәрбиеші: Касымова Айнам

Топ: Мектепалды «Ә» тобы

Білім беру дағдысы: Коммуникативтік дағды

Ұйымдастырылған іс-әрекеті: Сауат ашу негіздері

Тақырыбы: Дыбыстық талдау

Міндеті: Сөздерге дыбыстық талдау жасау. Сөзде дыбыстардың ретін, дауысты және дауыссыз дыбыстарды анықтау. Сурет бойынша сөйлем құрастырып, әдемі сөйлеуге баулу.

Күтілетін нәтиже: Дыбыстық талдауды меңгереді. Дауысты, дауыссыз дыбыстарды ажыратады. Сөздерге дыбыстық талдау жасайды. Сурет бойынша сөйлем құрайды.

Қолданылатын ресурстар: Әр түрлі суреттер, қарындаш, асықтар.

Әдіс-тәсілдер: «Сұрақ-жауап», «Дыбысты тап», «Кім жылдам?», «Арқан тарту» ойыны, «Қай дыбыстан басталады?», «Сөйлем құрай аламын» .

Ұйымдастырылған іс-әрекет барысы:

Сәлемдесу:

Күннің нұры ашылып,

Көкке шуақ шашылып.

Құтты қонақ келіпті,

Төрімізге еніпті.

Амандасу үлкенге,

Тәрбиенің басы ғой.

Ал, қанекей бәріміз,

Сәлем дейік үлкенге.

Сәлеметсіздер ме апайлар.

Ынтымақтастық атмосферасын қалыптастыру.

Жабырқауды білмейміз,

Жалқаулықты сүймейміз.

Біз сабақты жақсы оқып,

Үлгі аламыз жақсыдан.

• Балалар көңіл-күйлерің қалай?

• Жақсы.

Балаларды үш топқа бөлу. Тапсырма аяқталған кезде, әр топ бір-бірін бағалап отырады.

Өткен ұйымдастырылған іс-әрекетіміздегі білімімізді еске түсірейік.

«Сұрақ-жауап» әдісі арқылы сұрақтарға жауап алу.

1. Дыбыс дегеніміз не?

2. Әріп дегеніміз не?

3. Әріптерден не құралады?

4. Сөздерден не құралады?

5. Дыбыстар нешеге бөлінеді?

6. Дауысты дыбыстарды қандай текшемен белгілейміз?

7. Дауыссыз дыбыстарды қандай текшемен белгілейміз?

8. Буын дегеніміз не?

9. Сөзде 1 ғана дауысты дыбыс болса буынға бөлінеді ме?

• Ал балалар, бүгінгі ұйымдастырылған іс-әрекетіміздің тақырыбы: «Дыбыстық талдау».

Алдымен балалар «Тынымсыз тіл» деген ертегі тыңдап алайық.

Дидактикалық ойын: «Дыбысты тап»

Ойынның шарты: Аталған дыбыстардың дауысты, дауыссыз екенін ажырату.

«Арқан тарту» ойыны

Ойынның шарты: Сөздерді буынға бөлу, сөйлем құрау.

Сергіту сәті:

Жеке жұмыс:

Дидактикалық ойын: «Кім жылдам»

Ойынның шарты: Қызыл, көк асықтар арқылы сөздерге дыбыстық талдау жасау.

Жұптық жұмыс:

Дидактикалық ойын: «Қай әріптен басталады»

Ойынның шарты: Суреттер мен әріптестерді сәйкестендіру.

«Сөйлем құрай аламын» әдісі

Суреттер бойынша сөйлем құрау.

Ұйымдастырылған іс-әрекетті бекіту.

Кері байланыс.

• Балалар, сендерге бүгінгі ұйымдастырылған іс-әрекетіміз ұнады ма?

Балаларды мадақтау.

Әр бала өзін-өзі бағалайды.