"Ежелгі көшпелілер мәдениеті БЖБ 5-сынып қазақ тілі мен әдебиеті

2-тоқсан бойынша БЖБ тапсырмалары

Бөлім «Ежелгі көшпелілер мәдениеті»

Оқу мақсаттары:

5.1.2.1 тыңдалған мәтіннің негізгі мазмұнын түсіну және нақты ақпаратты анықтау;

5.2.1.1 тақырып бойынша меңгерген жаңа сөздерді олардың синонимдерімен, антонимдермен қатар қолдану, ойын жеткізе білу.

Бағалау критерийлері:

• Тыңдалған мәтін бойынша сұрақтарға жауап береді;

• Нақты ақпаратты анықтайды;

• Ұсынылған сөздерге синонимдер жазады;

• Ұсынылған сөздерге антонимдер жазады;

Ойлау дағдыларының деңгейлері: білу, түсіну, қолдану.

Орындау уақыты: 25 минут

1-тапсырма. Мәтінді тыңдаңыз, тапсырмаларды орындаңыз:

Томирис біздің заманымызға дейінгі VI ғасырды өмір сүрген патшайым. Томиристің әкесі Сыпыр данышпан қолбасшы, басшы болған. Анасы Томиристі сәби кезінде кайтыс болады. Томирис бала күннен жаугер болып өседі. 
Шамамен б.з.д. 530-529 жылдары Мидия патшасы Кир көрші мемлекеттердің басым бөлігін өзіне қаратып, сақтарға басқыншылық жасағысы келеді. Осы бір жорықта Парсы патшасы Томиристің күйеуі Рүстемді өлтіреді. Ал тұтқынға түскен ұлы Спаргапис өз-өзіне қол жұмсайды. Томирис қанша қайғыға батса да, жауға қарсы шайқасқа шығады.
Жаумен шешуші шайқаста Томирис патшайымымен бірге көшпелілер Кир әскерін жеңеді. Шайқаста Кир патша да өлім құшады. Соғыста ерекше төзімділік пен ептілік танытқан сақ қыздарын тарихшы Геродот "ең қатыгез және ұлы" деп атаған. Грек тарихшысы Томирис патшайымның ерлігін қағазға түсіріп, осы күнге жеткізіп отыр.

1.Дұрыс нұсқасын белгілеңіз.

Біздің заманымызға дейінгі 6 ғасырда өмір сүрген патшайым:

А) Сыпыр Ә) Мидия Б) Томирис В) Рүстем

«Ең қатыгез және ұлы» деген сөздің авторы

А) Геродот Ә) Мидия Б) Томирис В) Рүстем

Сөйлемді толықтырыңыз:

Шамамен б.з.д. 530-529 жылдары _________________________________ көрші мемлекеттердің басым бөлігін өзіне қаратып, сақтарға басқыншылық жасағысы келеді.

2. Тыңдалған мәтіннен нақты ақпаратты анықтатын 3-4 сөз жазыңыз:

______________________________________________________________________________

3. Мәтіннің ішінен төменде берілген сөздердің синонимдерін жазыңыз:

О дүниелік болды - _______________________________

Шайқас - _______________________________

Мәтіннің ішінен төменде берілген сөздердің антонимдерін жазыңыз:

Қарт - _______________________________

Бейбітшілік - _______________________________