ІІ- кіші «Жұлдыз, Қарлығаш,Жидек» тобындағы ұйымдастырылған оқу қызметінің конспектісі № 10

Өткізу күні:

Нұсқаушы:

«Денсаулық» білім беру саласының ұйымдастырылған оқу қызметі: Дене шынықтыру

Өтпелі тақырып: «Табиғат әлемі»

Тақырыбы: «Бағыт»

Мақсаттары:

Тәрбиелік: Табиғатқа деген сүйіспеншіліктерін, достық қарым – қатынасты, сапта тыныштық сақтауға тәрбиелеу.

Дамытушылық: Берілген жаттығуды дұрыс жасау дағдыларын, кеңістікте бағдарын дамыту.

Оқыту: Бағытты өзгертіп қол мен аяқ қозғалыстарын үйлестіріп жүру,арасы алшақтанған заттар арасымен,"жыланша" еңбектеуді үйрету.

Педагогикалық технологиялар: Денсаулық сақтау, ойын технологиялары.

Ресурстармен қамтамасыз ету: Музыка,ысқырғыш,заттар,сылдырмақтар,маса.

Билингвалдық компонент: Табиғат –природа, жыланша-змейкой.

Ұйымдастырылған оқу қызметінің барысы.

1. Ұйымдастырушылық кезеңі: Балаларды спорт залға кіреді, нұсқаушы балаларды бір қатарға тұрғызады олармен амандасады. Табиғат әлемі ғажайып солай ма? Біз табиғатты аялауымыз керек, қорғауымыз керек. Табиғат әлемінде жыландар бола ма? Дұрыс , табиғат әлемінде жыландар болады. Бүгін біз жыланша еңбектеуді үйренеміз. Ал табиғат әлемінде маса бола ма? Барлық жаттығуларда дұрыс жасайтын болсандар «Масаны ұстап ал» қызықты ойының ойнаймыз.

Қауіпсіздік ережесін айтып өту.

2.Негізі бөлімі: Залды айнала бір - бірінің артынан жүргізеді.

Бірінің артынан бірі жүру және жүгіруді, аралықты сақтай отырып жүруді жаттықтырады. Басты тік, арқаларын түзу ұстап жүруін қадағалайды.

Шеңберге тұрғызады ЖДЖ сылдырмақпен өткізеді.

Бағытты өзгертіп қол мен аяқ қозғалыстарын үйлестіріп жүру,арасы алшақтанған заттар арасымен,"жыланша" еңбектеу.

Қауіпсіздік ережесін қайталап айту.

Қимылды ойын: «Масаны ұстап ал»

Балалар шеңберді бойлай ортаға беттерін қаратып қол созымдай жерде тұрады. Нұсқаушы шеңбердің ортасына тұрады. Оның қолында шыбық (ұзындығы 1 —1,5 м) шыбыққа қағаздан немесе матадан маса жасалынып, жіппен байланған. Нұсқаушы ойнап жүрген балалардың басынан жіпті сәл асыра айналдырады. Маса төбелерінен айналғанда, балалар оны екі қолымен ұстағысы келіп секіреді. Масаны кім ұстап алса, сол «Мен ұстап алдым!» - дейді. Ойын жалғаса, береді.

Нұсқау. Балалар секірген кезде шеңберді тарылтпауын қадағалау керек. Маса байланған шыбықты айналдыра отырып, нұсқаушы оны біресе төмен түсіреді, біресе жоғары көтереді.

3. Қорытынды: Бір қатарға тұрғызады. Дем алатын жаттығуды жасатады.

Қолға, алып шарды,
Үрлеймін мен былай.
Уф-ф-ф,
Үрлеймін деп қатты,
Жарып алдым шарды.
Пах.
Нұсқаушы балалармен қоштасады.