«Экологиялық сауаттылық-болашақ кепілі» семинар-практикумы

«Экологиялық сауаттылық-болашақ кепілі» семинар-практикумы

Елбасымыз Н. Назарбаевтың тарихи құжатқа айналған «Болашаққа бағдар: рухани жаңғыру» атты мақаласында «Туған жер-әркімнің шыр етіп жерге түскен, бауырындай еңбектеп, қаз басқан қасиетті мекені, талай жанның өмір-бақи тұратын өлкесі. Оны қайда жүрсе де жүрегіміз әлдилеп өтпейтін жан баласы болмайды» - деп туған жердің қасиетіне ерекше тоқталады.

Әрбір адамның табан тірер туған жері болады. Туған елге, жерге деген сүйіспеншілік адамды алға жетелейді. Дана халқымыз «Әркімнің туған жері –Мысыр шаһары» деп бекер айтпаған.

«Монтайтас жалпы орта білім беретін мектеп» коммуналдық мемлекеттік мекемесінде сынып жетекшілер бірлестігінің ұйымдастыруымен «Тәрбие және білім» кіші бағдарламасының «Өлкетану» базалық бағытының «Табиғат бесігі» кіші жобасы аясында «Экологиялық сауаттылық-болашақ кепілі» семинар-практикумы өткізілді.

Мақсаты: Оқушылардың азаматтық ұстанымы мен экологиялық мәдениетін қалыптастыру, оқушылардың туған жерге, елге және қоршаған ортаға деген сүйіспеншілігін арттыру, сынып жетекшілердің педагогикалық шығармашылық және кәсіби белсенділігін дамыту.

Елбасы өз Жолдауында «Жаһандандыру және күрделене түскен әлемдік бәсекелестік жағдайда қазақстандықтар адам дамуының басты салаларындағы таза ауыз су және табиғатты қорғау мәселелерін шешу адамдық және азаматтық борыш екендігін адамгершілік қасиетпен сезінуі тиіс» деген болатын.

«Кешірме сен,

Жат қылықпен жаныңды жараласам,

Бар сырымды бүкпесіз саған айтам.

Мен ел кезіп кетермін Отансыздай,

Үмітіңді ақтауға жарамасам» демекші, семинар-практикум өз туған өлкеміздің тарихы, табиғаты мен экологиясына арналды.

Семинар –практикум

1. «Туған жерім -шежірем»-

2. «Туған жерім-байлығым»

3. «Туған жердің экологиясы»

4. «Туған жерге арналған тартуым» бөлімдері негізінде ашық тәрбие сағаттары (сынып жетекшілер Майра Көлбаева, Маржан Асқарбекова , Ләззат Кенжебекова, Раушан Сыдықова және тәлімгер Мақсатгүл Жауынбаева).

Қорыта келе, қазіргі кезде экологиялық мәселелер өзінің қоғамдық мәні жағынан алдыңғы қатарлы мәселеге айналып отыр. «Табиғат, Табиғат –Ана » деген сөз - асқақ ұғым. Табиғатқа көрсетілген ілтипаттың адамға көрсетілген құрмет екендігін оқушылар бойына сіңіру.

Түркістан облысы, Арыс қаласы,

«Монтайтас жалпы орта білім беретін мектеп» коммуналдық мемлекеттік мекемесі директорының тәрбие ісі жөніндегі орынбасары

Пияшова Назым Әбдіхалыққызы