«Елбасы есімі – болашақ ұрпаққа үлгі!» сыныптан тыс жұмыс

Түркістан облысы

Білім басқармасы

№8 колледж МКҚК

БЕКІТЕМІН

Дир.ТІЖ орынбасары

Елбасыға құрмет

Тақырыбы:

«Елбасы есімі – болашақ ұрпаққа үлгі!»

Дайындаған: Қалдиева Дилара Бейімбетқызы

Тақырыбы: Елбасы есімі – болашақ ұрпаққа үлгі! /салтанатты жиын/

Мақсаты:  Болашақ ұрпаққа Елбасымыз Н.Ә.Назарбаев туралы мағлұмат беру. Елбасының өмірін, еңбек жолын үлгі - өнеге ете отырып, патриоттық сезімдерін арттыру. Ел президентін құрметтеуге, егемен елімізге қамқор бола білуге тәрбиелеу.

Көрнекіліктер: Елбасының суреттері мен қанатты сөздері, слайд, шарлар, ҚР жалаушалары, кітаптар көрмесі, видео.
  

1-жүргізуші Нұрсұлтан

Бар әлемге шын танылдық міне, біз,
Елін сүйген Елбасы деп білеміз.
Тең аталып Қазақстан - Нұрсұлтан
Нұрсұлтан мен Қазақстан тұр егіз.

2-жүргізуші: Ұлжалғас

Күнге беттеп бара жатыр көш жүріп,
Елдің даңқы бар жаһанға естіліп.
Елбасыны құрметтейтін ерекше
Армысыздар, ақпейілді көпшілік!

1-жүргізуші:

Азаттық пен елге қонды тосқан бақ,
Қазақ елін мойындауда дос таңдап.
Елбасының еңбегімен нұрлана
Қазағымның мерейі тұр аспандап.

2-жүргізуші:

Елі үшін ол жасалып қиырдан,
Ықпаған еш ауыртпалық, қиыннан.
Мерекеңіз құтты болсын көпшілік
Елбасының құрметіне жиылған

1-жүргізуші:

 Қайырлы күн, құрметті қонақтар, ұстаздар, студенттер!

«Қазақстан Республикасының Тұңғыш Президентіне» арналған «Елбасы есімі – болашақ ұрпаққа үлгі!» атты жиын ашық деп жарияланады.

Біздің Елбасымыз-Н.Ә.Назарбаев

АӘД оқытушысы: Қазақстан Республикасының Мемлекеттік Гимні орындалсын!

2 жүргізуші:

Келбетіңнен ізгілік нұр көрінген,

Лебізіңнен ел арманы өрілген.

Сенің арқаң- Қазақстан көркейіп,

Достық әні шарықтайды төрімнен!

Ән: «Елбасы» орындайтын Құралай мен Мадина

1-жүргізуші

Елбасы — халықаралық қауымдастыққа кеңінен танылған, өркениетті елдердің басшылармен терезесі тең, сөйлескенде сөз алатын, елдескенде мейірімін шашатын саясаткер

2-жүргізуші:

Бұл қызметті Отаны мен халқын шын сүйетін, ұлттық тілі, тарихы мен мәдениетін құрметтейтін, елі үшін отқа түсетін нағыз азамат, патриот қана атқара алады.

Бұл Елбасымыз Нұрсұлтан Әбішұлы Назарбаев!

Елімде бейбіт тыныш заман болсын,

Тілеймін  әр адамға бақыт қонсын!

Елімнің ел ағасын халқы қолдап,

Қазақстан жеріміз аман болсын!

2-жүргізуші: «Елбасы жолы» видеоүзінді көріңіздер.

Қазақ елі желбіреп көк байрағың,
Гүлге оранды ауылың мен аймағың.
Нұрсұлтаның биіктерге бастады,
Ол көрсеткен нұрлы жолдан таймағын!

         
Ернар:

1991 жылы 1-желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайланды.

Ия, Елбасымыз жаңа тарихымызды асқан сүйспеншілікпен және зор жауапкершілікпен жалғастырды. Елбасымыздың төл туындыларының бірі- елордамыз, жас қаламыз, бас қаламыз – Астана бүгінде «Нұр - Сұлтан» қаласы

Ән: «Астана» орындайтын Әділет пен Нұрай

 2-жүргізуші:

ҚР Тұңғыш Президенті Н.Ә.Назарбаев туралы шетел басшыларының айтқан ойлары.

АҚШ Президенті Дональд Трамп былай дейді:

– Сіздің еліңіз егеменді, тұрақты және өркен­деген мемлекет ретінде өзінің дамуында маңызды табыстарға қол жеткізді. Мен Қазақстанға Ауған­стан­дағы тұрақтылық пен қалпына келтіру ісін­дегі ұстанымы үшін ризашылығымды білдіремін және мен Сіздің ұлтаралық және діни төзімділікті ілгерілету жөніндегі күш-жігеріңізді жоғары бағалаймын.

Ресей Президенті: Владимир Путин

– Қазақстан халқы өзінің әлеуметтік-эконо­микалық және мемлекеттік құрылыстағы қол жеткен табыстарын орынды мақтан ете алады. Рес­пуб­ликаның халықаралық беделі жылдан-жылға артып келеді, қоғамдағы ұлтаралық қатынастар да жетілдіріле түсуде. Ресей мен Қазақстан халық­аралық аренадағы, Еуразия кеңістігіндегі аймақ­тық интеграциялық құрылымдардағы күштерін үйлестіруі өзінің тиімділігін көрсетті.

Түрік Республикасының Президенті Реджеп Тайип Эрдоган:

– Әр келгенімде гүлдене түскеніне куә болып жүрген Астана қаласы – Қазақстанның динамизмі мен Президент Назарбаев мырзаның көрегенділігін бейнелейтін ең үлкен туынды. Астананың құрылыс жұмыстарына түрік фирмалары мен жұмысшыларының да үлес қосуын түрік-қазақ ынтымақтастығының ең әсем нышандарының бірі деп білеміз.

1-жүргізуші: Елбасының негізгі мақсаты – ел бірлігін сақтау. Оның әр сапарынан, әр кездесуінен осыны аңғаруға болады.

Тамырын терең тарихтан тартып екшеген

Жүзінен нұры, жүректен жыры өшпеген.

Тәуекел қайық, бақытқа бастар жол ауыр,

Келеді Елді бастаған ұлы көшпенен!

Халқым айтқан жер көтерер ел даңқын,
Елім айтқан ел көтерер жер даңқын.
Президентім, елбасы, аман болғай,
Мәңгі жаса, жас қазағым, өр халқым!

Елбасына арнау. /өз шығармашылығынан/ орындайтын Динара

Халқы сенер, ақылын елеп ұлдың,

Еліне де қашанда сенер ұлың.

Елбасысы болды да қазағының,

Еңкейтпеді жалауын өр елінің.

Білді бөбек есімін бесіктен де,

Шаттық күйін келеді кешіп кеуде.

Қазақстан деп білер бүкіл әлем,

Назарбаев есімін есіткенде.

28 жыл өтіпті сыннан дара,

Сыннан өтер сыр бермес тұлғаң ғана.

Нұрсұлтан деп тауың да асқақтады,

Нұрсұлтан деп күй төкті туған Дала.

Жеткізді ұлы өр елін бүгінгіге,

Дос қуанып,күншілдер түңілді де.

Бағыт алды "Мәңгі Елге" Қазақстан,

Сол жайлы ұрпақ айтар жырын,міне.

Тәуелсіз боп ел тұрса аспан асты,

Бақытты онда қарты да,жас баласы.

Елбасының салынған қалауымен,

Жарқырайды бұл күнде Астанасы.

Өнеге боп білімі бүгінгіге,

Ұл-қыз өсіп келеді бүгін,міне.

Соның бәрі Елбасы қамқорлығы,

Ұрпақ үшін айналған жыр-үлгіге.

Өткенін де өр елдің өрен білді,

Келешекке керекті өнерді ілді.

Желбірейді байрағым аспанымда,

Назарбаев есімін әлем білді.

550-тарих бұл,ұғады ұлт та,

Бүгінгі елім ұқсайды бір алыпқа.

Халқын сүйген бар жерде көшбасшысы,

Болашағым, күле кел мына жұртқа!

1-жүргізуші:

Мемлекет басқару ісі – машақатты да, мәртебелі міндет. Елбасымыз басқарған ел – ең бай мемлекет, халқы ең бақытты халық. Өйткені, елімізді басқарар білімді басшымыз барда, қой аузына бозторғай жұмыртқалаған осындай керемет заманда өмір сүріп жатқан біздің қандай арманымыз бар? Елбасының бастауымен Отанымыз әлемге танылды.

2-жүргізуші:

Елім елдігін көрсетті, ерлігін танытты. намысты ту еткен ағаларымыздың аянбай еңбек етуі осы нұрлы күндерге жеткізді. Еліміз дамыған елдер қатарынан көрініп, елбасымыз қолға алған стратегиялардың арқасында мемлекетіміз қарқындап дамып, өркендеп келеді. Мұның бәрі елбасымыздың арқасында.

Гүлдана:

Осы 28 жыл бойы Тәуелсіз елді басқару деген оңай шаруа емес. Қаншама дағдарыстан өттік. Бірақ, біз қарқынды дамып келе жатқан ел болдық. Ешкімнен кем болмадық. Дүниежүзін мойындатқан тәуелсіз ел болып Қазақстан танылды. Біз жастармыз. Тәуелсіздігіміз үшін, барлық жақсылық үшін, Елбасымызға шын алғысымызды айтамыз.  Елбасы әр кез  жастар үшін өзінің қолдауын, жолдау сайын айтып отырады. Жастарға деген сенімі мол. Оның дәлелі осы 2019 жылдың өзін Жастар жылы деп жариялады

Студент монологы «Менің Президентім» Қуаныш

Қазақ халқы ерекше қонақжай халық екені белгілі. Меніңше, біздің Президентіміздің бойында да осы қасиет бар. Соңғы он жылда Қазақстанға кімдер ат басын тіремеді десеңші? Белгілі саясаткер, мемлекет қайраткерлері мен басшылары, ғалымдар мен өнер қайраткерлері.
Әр елден келген қонақтарға ұялмай көрсететін жаңа қала Астанамызды Президенттің ақыл-ойының жемісі дер едім. Астана күннен күнге бой түзеп жасарып, жаңарып келе жатқан жас қала. Сарыарқаның төсіндегі шағын ғана қаладан, әлем таныған әсем Астана жасаған Елбасының ақыл-ойына кім басын имес?

Тәуелсіз ел болу, тұңғыш президенттің сайлануы, осы тұлғаның арқасында Қазақстанның бүкіл әлемге танылуы, шашылып кеткен қандас бауырларымыздың тарихи Отанына шоғырлана бастауы, Астана қаласының сәулеттене түсуі – бәрі, бәрі тәуелсіздігіміздің әр күні емес, әр сағаты жаңалыққа, игі істерге ұласып жатқанының айқын дәлелі.
Қазақ елінің жарқын болашағы, халықтарының бірлігі және бейбіт өмірі президентіміз Нұрсұлтан Әбішұлы Назарбаевтың қолында.

Бейбарс

Талай заман өтсе де өткелінен,
Көкжиектің көрінген көк белінен.
Ұлы тұлға ұлтымның аманаты,
Тәуелсіздік қол бұлғап көктемінен.
Сара жолды салып жүрген дара деп.
Салиқалы сөзіңіз де сара боп,
Тілеуіңді тілеп жүрген дана деп.
Ізіңізді басып жүрген бала көп,
Тарихымды тасқа қашап жаздырып.
Жүрегімде жалындаған назды үміт,
Ерен еңбек, елі үшін еңселі,
Алпауыттар арасынан оздырып.
Өркендеді өсті ұрпақ еңселі,
Уақыттардың болса дағы өлшемі.
Үмітімді өшірместен өсемін,
Үлгі тұтып жүрем мәңгі мен сені.
Көрсе дағы талайлардың күресін,
Күні-түні елді ойлап жүресін.
Ұлар ұшып, қыран құстар қалықтар,
Ұмытылмас, Нұрсұлтандай, ұлы есім.
Жауһазындай жайқалған жыр бағы.
Қазақстан сәні кіріп тұр мәңгі.
Еңбегіңді еселі етіп бес елі,
Мақтан тұтып жүрер қазақ ұрпағы!

Ән: «Туған жер» орындайтын Жұлдыз

Ол Қазақстан Үкіметін басқарғанда 44 жаста болды.Осылайша оның саяси өмірбаяны басталады.

1991 жылы 1-желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайланды.

1991 жылдың 16 желтоқсанында Қазақстан Республикасы Жоғарғы сессиясы «Тәуелсіз демократиялық және құқылық мемлекет» деп жариялады.

1992 жылы 4-маусымда жаңа мемлекеттік рәміздер Елтаңба,Ту,Әнұран бекітілді.

Елтаңба авторлары:Жандарбек Мәлібекұлы,Шотаман Уәлиханов.

Шаңырақ –Отан отбасынан басталады. Ортақ шаңырақ биік, босаға берік болсын деген мағынаны, ал уықтар –үлкен үйдің уықтарын шын ниеттерімен қосыла танытқан елшілес ел жұртқа да бай, қуатты тілеймін дегенді білдіреді. Ай мүйізді, алтын қанатты қос пырақ - арыстанның жүректілігін, қыранның қырағылығын, өгіздің қара күшін, еліктің шапшаңдығын, қырмызы қызыл түлкінің жауын жер соқтырар айлакерлігін білдіреді. Бес бұрышты жұлдыз «Бағымыз ашылып, жұлдызымыз жарқырай берсін» деген асыл арманды арқалап тұр

М емлекеттік Ту-1992 жылы 4-маусымда қабылданып, 6-маусымда күшіне енді. Тудың ортасында шұғылалы күн, оның астында қалықтап ұшқан қыран бейнеленген, ішкі бұрышты көгілдір матаның сол жағында қызыл өрнегі бар. Жалаудың ұзындығы -2 метр, ені-1метр. Жалаудың жобасын жасаған –суретші Шәкен Ниязбеков.

1993 жылы 15-қарашада Қазақстан Республикасының Ұлттық ақшасы –Теңге айналымға енді.

Ақшам шықты өзімнің тұңғыш рет,

Білдім дербес елімнің үлгісі деп.

Бейнеленген хан, ақын, ғалымдарым,

Беттерінен көз тартып тұрды сурет.

Теңдікті айтып тұр аты теңге деген,

Құт - береке болшы бір елге келген.

Өз туы, елтаңба, әнұраны бар

Айтындаршы, енді елім кем де неден?

1 995 жылы 28-қаңтарында тәуелсіз ҚР –ның тұңғыш «Ата Заңы» қабылданды.

«Ата Заң» Оразхан

Азат елдің басталған айқын жолы тәрізді,

Ата Заң деп аталған Конституциямыз бар біздің.

Ата Заңмен бекіткен дербестігін еліміз,

Ата-баба мұра еткен, тұтастығын жеріміз.

Халық сенген заңымыз әділдікті қолдайды,

Жақсарсын деп халіміз адам құқын қорғайды.

Дейді заңы мемлекет үлкенге де,балаға:

“Оқу оқы, еңбек ет, кәсіп жаса қалаған!”

Әрбір бабы маңызды, әр көңілдің жыры бір,

Бізде 30 тамыз – Ата Заңның күні бұл. Ермек Өтетілеуұлы.

Сабина:

Астана-ҚР-ның саяси, әкімшілік және мәдени орталығы. Елбасы - Н.Назарбаевтың жарлығына сәйкес 1997 жылы мұнда бұрынғы астанамыз Алматыдан Республиканың басшы орындары Президент кеңесі, ҚР-ның Үкіметі және Парламент көшіп келді. Еліміздің басқару жұмыстары осы жерден жүзеге асырылады.

1 998 жылы 10-маусымда жаңа астананың ресми тұсау кесері болды.Қала Есіл өзенінің оң жағалауында Сарыарқаның солтүстік бөлігінде орналасқан.

Көтереді шаңырақ Астанам асқақ,

Жанарып қалам,жасарып далам!

Басыңнан серпі бодандық жүгін,

Кетпейді ойдан Отандық ұғым.

Арыстан жүрек, айбынды елім,

Таниды сені бар әлем бүгін.

Би: