Елді мекендер қандай болады? 3 сынып

Сабақ тақырыбы

Қандай елді мекендер бар?

Осы сабақта қол жеткізілетін оқу мақсаттары (оқу бағдарламасына сілтеме)

3.1.3.1. Елді мекендерді түрлі белгілеріне қарап ажырату (типі, көлемі, қызметі).

Сабақ мақсаттары

Оқушылар

- елді мекендерді белгілері бойынша ажыратады;

- қала мен ауылды салыстырады.

Сілтеме

Bilim.land. iMektep

Бағалау критерийлері

- Қазақстандағы елді мекендердің түрлерін атайды және оларды сипаттай алады;

- қала мен ауылды ажырата алады.

Тілдік мақсаттар

Оқушылар:

Қазақстандағы елді мекендердің түрлері туралы айтып береді.

Терминология:

• Елді мекендердің түрлері

Талқылауға арналған сұрақтар:

- Республикалық маңызы бар қалалар мен қарапайым қалалар арасындағы айырмашылық қандай?

Жазуға берілетін тапсырма:

• Эссе «Атамекен – алтын бесік».

Құндылықтарды дарыту

Оқушылар әр түрлі қызметтері бар қалаларды біліп, олардың ел экономикасына қосар үлесін, қала мен ауылдың рөлін түсінеді.

Пәнаралық байланыстар

Қазақ тілі: анықтама құру дағдылары дамиды. Пікірді блогер ретінде жазуды үйренеді.

Алдыңғы меңгерілген білім

Оқушылар өз мекен-жайы, елді мекендердің түрі, елді мекендерің географиялық орны туралы түсініктері бар.

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақтың басы

0-5

6-7

8

1. «Қалалар» ойыны (ұжымда)

Кез-келген оқушы Қазақстан қаласын атайды. Оқушылар оны картада көрсетіп, сол қала туралы білетіндерін айтады. Картадан қаланы дұрыс көрсеткен оқушы ойынды ары қарай жалғастырады.

2. Топқа бөліну (ұжымда)

Оқушыларға Қазақстан 4 (5) қаласының аттары буын-буынғы бөлінген парақшалар беріледі. Буындардан қала атын құрастырып, сәйкес топқа жиналу керек.

3. Сабақ мақсатын анықтау(ұжымда)

• Сабақ тақырыбы мен мақсаты жайлы оқушылардың болжамдары айтылады.

• Сабақ мақсаты ұсынылады:

- елді мекендерді белгілері бойынша ажырату;

- қала мен ауылды салыстыру.

Қазақстанның саяси-әкімшілік картасы

Әдістемелік нұсқаулыққа

қараңыз

(дидактикалық материалға қараңыз)

Слайд №3

Сабақ ортасы 9-15

16-20

21-26

26-35

4. Картамен жұмыс (топта)

Қазақстанның облыстары көрсетілген карта бойынша жұмысты ұсыныңыз.

Талқылауға арналған сұрақтар:

- Сендер тұратын облыс қалай аталады?

- Сендер тұратын облыстың орталығы қай қала?Картадан көрсет.

- Сен басқа облыс орталықтарын білесің бе?

- Бізде курорт қалалары бар ма, көрсетіңдер. Ал өнеркәсіпті қалалар ше?

- Сендердің елді мекендерің қалай аталады?Қай түріне жатады?

- Сендердің елді мекендеріңде қанша адам тұратынын білесіңдер ме?

- Сендер тұратын елді мекен қолайлы, жайлы ма? Неліктен?

Әңгімелесуді қорытындылаңыз.

5. «Анықтама құр» тапсырмасы (топта)

Әрбір топқа елді мекен атаулары таратылады:

1 топ: Ауыл

2 топ: Кент

3 топ: Қала

4 топ: Астана

Әрбір топ белгілі бір елді мекеннің анықтамасын құрайды (көлемі (үлкен, кіші), қызметтері (астана, аудан орталығын, облыс орталығы және т.б.).

Барлық анықтамалар бір-бірімен салыстырылады және ең дұрысы таңдалады. Оқушылар өз бетімен алған ақпараттарды тексере отырып, оқулық мәтінімен танысады.

6. Бұрыштар стратегиясы «Қайда тұрған жақсы?» (топта)

Оқушылар қалаулары бойынша екі топқа бөлініп, бұрыштарға қарай кетеді. Бір топ қалада тұрған жақсы десе, екінші топ - ауылда жақсы деп санайды. Әр топ өз аргументтерін ұсына отырып, қарсы топтың мүшелерін көндіруге тырысады.

Бағалау критерийлері:

-Қазақстандағы елді мекендердің түрлерін атайды және оларды сипаттай алады;

-қала мен ауылды ажырата алады.

7. «Қала мен ауылды салыстыр» тапсырмасы (жұпта)

Оқушылар жұптасып, қала мен ауылды салыстыру кестесін толтырады:

Жұмыстың қорытындысы, мүмкін болатын жауаптарын бүкіл сыныппен талқылағаннан кейін басқа жұппен тексеріледі.

Бағалау критерийлері:

- қала мен ауылды ажырата алады.

Қазақстанның саяси-әкімшілік картасы

Әдістемелік нұсқаулыққа

қараңыз

Оқулық

Плакаттар, маркерлер

Қала мен ауыл аттары жазылған парақтар

(дидактикалық материалға қараңыз)

Таратпа парақ

(дидактикалық материалға қараңыз)

Сабақтың соңы

36-40

Рефлексия (жеке):

«Менің пікірім»

Оқушыларға таратпа парақтар таратылады. Блогер ретінде сабаққа пікірлер жазу ұсынылады.

Сабақ маған ұнады .....

Тағы қалар едім......

Рахмет айтқым келеді........

Таратпа парақ

Әдістемелік нұсқаулыққа

қараңыз

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қабілеті жоғары оқушыларға шығармашылық бағыттағы тапсырманы таңдаулары бойынша беруге болады: өзі тұратын елді мекеннің тарихы туралы ақпараттарды жинап, сыныпқа таныстырылым жасау.

Қиял мен жағдаятты проблемаларды шешуді дамытуға арналған шығармашылық бағыттағы тапсырма: «Қалалар мүлдем жойылып кетсе, не болар еді? Адамдардың өмірі қалай өзгерер еді?»

Бағалау және кері байланыс беру сабақтың өн бойында жүріп отырады. «Қайда тұрған жақсы?» және «Анықтама құра» тапсырмаларында оқушылар елді мекендерді қалай ажырата алатындары бағаланады. Өзара және өзіндік бағалау әдістері қолданылады.

Оқушылар сынып бөлмесінде қозғалу барысында, топтық жұмыс барысында қауіпсіздік техникасы сақталады.