Тәрбие сағаты

«Еліміздің асыл тірегі Рәміздер»

ЖЖЕ: Біздің аудан (ауыл), қала

Күні

Класс жетекші:

Класс:

Қатысушылар саны:

Қатыспағандар саны:

Сабақтың тақырыбы: Эпиграфтар (тақырып мазмұнын ашатын)

«Мемлекеттік рәміздер – ұлт мақтанышы».

Сабақтың мақсаты:

Мемлекеттік рәміздер туралы білімдерін нығайту, толықтыру;

оқушылардың ой-өрісін дамыту, өз пікірлерін жеткізе білуге дағдыландыру;

Қауіпсіздік сабағының мақсаты:

1.Оқушыларды жолда жүру ережесімен таныстыру .

2. Жол қауіпсіздігін есте сақтауға, білуге жол ережесінің белгілерімен жүре білуге үйрету.

3.Оқушыларды көшеде дұрыс жүріп, жол ережесін сақтауға тәрбиелеу

Құндылықтарды дарыту

оқушыларды отансүйгіштікке, мемлекеттік рәміздерді қастерлеуге тәрбиелеу.

Сабақтың барысы

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Сабақтың техникалық құрал-жабдықтары

Ұйымдастыру кезеңі (5 мин)

«Отанымыздың ұлттық мақтанышы – мемлекеттік рәміздерге» арналады.Мемлекетіміздің рәміздері туралы білімдерімізді толықтырып, құрметтеуге үйренеміз. Кез келген мемлекеттің айшығы – мемлекеттік рәміздері екені белгілі.

Ой қозғау» кезеңі.

-Балалар «Отан» дегенді қалай түсінесіңдер?

-Ал рәміздер деген сөзді қалай түсінесіңдер?

Дұрыс айтасыңдар. Ал енді назарларыңды интербелсенді тақтаға аударыңыздар.

«Рәміздерім – мақтанышым» атты бейнебаян көрсетіледі. Бейнебаян аяқталған соң, арнайы дайындалған оқушылардың мәліметін тыңдаймыз.

Оқушылар мұғаліммен амандасады,түгенделеді, мектеп партасындағы қатарлары бойынша  орындарына отырады.

(Әнұран шырқалады)

- Туып өскен жеріміз. Мемлекетіміз, мемлекеттік тіліміз.

--Ол мемлекеттің егемендігін, бейбітшілігін білдіреді.

Компьютер

Рәміздердің

суреттері

Сабақ басы (10 мин)

«Кім жылдам?»

1.ҚР Тәуелсіздік күнін қашан атап өтеміз? (16 желтоқсан)

2.Мемлекеттік тіл? (қазақ тілі)

3.Қазақстан Республикасының Мемлекеттік рәміздері қай жылы қабылданды? (1992 жыл)

4.Әнұранның авторлары кімдер? (Ш.Қалдаяқов, Ж.Нәжімеденов, Н.Назарбаев)

5.Қазақстанның ұлттық валютасы? (теңге)

6.ҚР мемлекеттік туының авторы? (Шәкен Ниязбеков)

7.Елтаңба авторлары кімдер? (Ж.Мәлібеков,Шотаман Уәлиханов)

8.Әнұранның әнін кім жазған? (Ш.Қалдаяқов)

9.ҚР туында не бейнеленген? (шұғылалы күн, оның астында қалықтап ұшқан қыран бейнеленген тік бұрышты көгілдір түсті мата)

10.Республика,облыс, аудан көлеміндегі маңызды салтанатты мәжілістерде орындалады (Әнұран)

Оқушылар мұғалімнің қойған сұрақтарына жауап береді.

Презентация

Ортасы (25 мин)

«Мақал сөздің – мәйегі»

1. Отан отбасынан..... (басталады)

2. Отансыз адам…....(ормансыз бұлбұл)

3. Ел іші - (алтын бесік)

4. Туған жердей жер болмас….(Туған елдей ел болмас).

5. Отан үшін отқа түс.... (күймейсің)

6. Ел қадірін көрген біледі…..(Жер қадірін жүрген біледі)

7. Отан үшін еңбек етсең.....(халқыңның сүйген ұлы боласың)

8.Егілмеген жер жетім...(Елінен айырылған ер жетім)

ЖЖЕ: Біздің аудан (ауыл), қала.

Бағдаршам - өмірімізді жазымнан сақтандыратын көмекшіміз. Оның сырын біліп, тілін алу баршамызға керек. Біздің ауылымызда, сол сияқты біздің еліміздің басқа да қала, ауылдарында бәріне ортақ көше қатынас ережесі енгізілген. Бұл ережені оқушылар да, үлкендер де, яғни барлық көлік жүргізетін жүргізушілер де бұлжытпай орындауы керек.

- Балалар, сендер көшеде жүру ережесін білесіңдер ме екен, көрейік. Мынандай сұрақтарға жауап беріңдерші: 1. Көшеде жүру ережесін білу бізге не үшін керек? - 2.Жиекжол дегеніміз не? 3.Жаяу адамға қай жермен жүруге рұқсат етілмейді? - 4.Көшеде жүру тәртібін кім басқарады? - 5.Көше қиылыстарында қай жерлерден өтуге болады? 6.Ал жиекжолда қалай жүру керек? 7.Жиекжолдан тағы қалай жүруге рұқсат етілмейді?

Мақал – мәтелдерді жалғастырулары сұралады.

Оқушылар сұрақтарға жауап береді

1. Әр оқушы көшеде жүру тәртібін өте жақсы білуі керек. Көшеде жүре білу машина астына түсуден, апаттан сақтайды.

2. Адамдар жаяу жүретін көше жиегіндегі тар жол.

3. Көлік жүретін көшенің ортасымен жүруге рұқсат етілмейді.

4. Көшеде жүру тәртібін бағдаршам басқарады.

5. Көшенің екінші көшемен қиылысқан жерінде немесе «Өтетін жер» деп жазылған тұста немесе асфальтта көлденеңіне сызылған жалпақ ақ жолақтары бар жерінде және бет алдындағы бағдаршамның жасыл жарығы жанған кезде өтуге болады.

6. Жиекжолдың оң жағымен жүру керек, сол жағымен жүруге болмайды.

7. Төрт-бес адам қатар жүруге болмайды.

Оқушылар,сендер жолда жүру ережелерін түсіндіңдер ме?

Жол тәртібін сақтап,өз өмірлеріңізге қамқор болатындарына сенімдімін.

Слайдпен көрсетіледі

Соңы

(5мин)

Мемлекеттік рәміздерді қадірлеу тәуелсіз Қазақстанның әрбір азаматының қасиетті борышы. Мемлекеттік  рәміздерді құрметтеу – елді, халықты, тарихты, әдет- ғұрыпты, салт- дәстүрді қастерлеу болып табылады.

Қазақстан: Туымен-Тұғырлы,

Елтаңбасымен- Еңселі

Әнұранымен айбатты ел!

«Көк тудың желбірегені»

Музыка қосылады