Елін сүйген - Елбасы

Жалпы білім беретін Бұлан орта мектеп- балабақша кешені

Тақырыбы:

Елін сүйген-Елбасы!

Тәрбиеші: Адилгереева Г. М.

Махметова А. С.

2019 жыл

"Бекітемін"

Балабақша әдіскері: С. М. Бақтығазиева

Күні: 29.11.2019 жыл

Тақырыбы: «Елін сүйген - Елбасы»

Мақсаты:

Білімділік: балаларға Қазақстан Республикасының тұңғыш Президентінің өмірі мен шығармашылыққа толы атқарған істері туралы мәліметтер беру.

Дамытушылық: елбасымыздың ел үшін жасаған істерін үлгі-өнеге ету.

Тәрбиелілік: балаларды өз Отанын халқын сүйетін азамат болып өсуге, елжандылыққа, патриоттық сезімге тәрбиелеу.

Көрнекілігі: Елбасының портреті, рәміздер, Нұр-сұлтанның көрнекі жерлері, кітаптар.

Барысы:

Қолымызды кеудемізге қойып, Қазақстан Республикасының "Әнұранын" орындаймыз.

Балалардың назарын суреттерге аудару, сұрақтар қою, жауап алу.

• Мына суретте не бейнеленген? -Карта

• Қай елдің картасы? -ҚР картасы

• Біздің еліміз қалай аталады? -Қазақстан Республикасы

• Отан туралы кім тақпақ айтады?

Саяна:

Отан жерім, Отан суым,

Отан қуат нәр береді.

Отан-ұран, Отан туым,

Отан мәңгі гүлденеді.

Ерсін:

Алтын дәнді даласы бар,

Ақ күмістей қаласы бар.

Неткен сұлу, неткен көркем,

Осы менің туған өлкем.

Сабина:

Отан – сенің ата-анаң,

Отан - сенің бауырың,

Отан – өлкең, астанаң,

Отан – аудан, ауылың.

Аян:

Кең даласын егін жапқан,

Бар баласы, бақыт тапқан.

Менің жерім, менің елім,

Күн сәулелі – Қазақстан!

• Еліміздің астанасы қай қала?

• Астана қаласы. Қазіргі таңда Нұр-Сұлтан қаласы болып өзгертілді.

Раяна:

Астана арман қала,

Бағы бір жанған қала.

Тұрасың жап-жас болып,

Мен үлкен болғанда да.

Салима:

Күн өткен сайын құлпырып,

Жайнадың гүлдей Астана.

Елорда – менің Астанам,

Елорда – менің бас қалам.

• Біздің ұлтымыз қалай аталады? -ұлтымыз қазақ.

• Ана тіліміз қай тіл? -қазақ тілі.

Аңсар:

Ана тілің арың бұл,

Ұятың боп тұр бетте.

Өзге тілдің бәрін біл,

Өз тіліңді құрметте.

Айша:

Ана тілің біліп қой,

Еркіндігің, теңдігің.

Ана тілің біліп қой,

Мақтанышың, елдігің.

• Біздің рәміздерімізді кім айтады?

• Ту, Елтаңба, Әнұран.

• 1992 жылы 4-маусымда жаңа мемлекеттік рәміздер Елтаңба, Ту, Әнұран бекітілді. «Таңбасыз ел болмайды, найзасыз ер болмайды»,- дейді қазақ халқы. Кез – келген халықтың өз таңбасы, елдің дербестігін танытытын негізгі белгілері болады.

Гүлхан:

Көк байрағы бабамның,

Бүгінгі ұрпақ алауы.

Тірегі әке баланың,

Қазақстан жалауы.

Мейрамбек:

Айнымайды аспаннан

Біздің тудың бояуы.

Оны халық қашанда,

Биікке іліп қояды.

Фатима:

Көк жалауы желбіре

Асқақтап аспанда.

Жас ұлан ел бірге,

Сап түзе жасқанба.

Райымбек:

Елтаңбасы елімнің

Неткен әйбат, әдемі.

Тұнығындай көңілдің

Ортада аспан әлемі.

Еркеназ:

Тәуелсіздік жолында,

Талай-талай тер төккен.

Билігім өз қолымда,

Еркіндігім Елтаңбам

Саят:

Әнұраны елімнің

Шақырады бірлікке.

Егеменді халқымның,

Болашағы бірлікте.

• Балалар, біздің еліміздің тұңғыш президенті кім?

• Еліміздің тұңғыш президенті Нұрсұлтан Әбішұлы Назарбаев. Қазіргі елбасымыз – Қасым-Жомарт Кемелұлы Тоқаев.

1-желтоқсан еліміз үшін мереке болып есептелінеді. Өйткені бұл күн «Тұңғыш президент күні». 1991 жылы 1-желтоқсанда халық өз таңдауымен Н.Ә Назарбаевты президент етіп сайлады. Ал, 10 желтоқсаннан бастап, президент өз қызметін бастады. Елбасымыздың арқасында әлем бізді мойындады. Қазақстан-шетелдермен керегесі кең, терезесі тең, біртұтас елге айналды.

Ақниет:

Елбасымыз жолдайды,

Халқы оны қолдайды.

Ешқашанда орынсыз,

Шешімдері болмайды.

Ақнұр:

Ел болдық ерік алдық астаналы,

Енді кімнен қазағым жасқанады.

Тәуелсіз мемлекеттің шежіресі,

Нұрсұлтанның атымен басталады.

• Н.Ә Назарбаевтың өмір жолдары , қызметі туралы жазылған кітаптармен таныстыру. Кітаптар ішіндегі суреттерді көрсету. Балалармен сұрақтар қою.

• Жарайсыңдар балалар, өте дұрыс.

Ән: «Көк тудың желбірегені»

Қортынды: -

• Балалар бүгін біз кім туралы айттық?

• Ол кім?

• Біздің еліміз қалай аталады?

• Маған біздің еліміздің рәміздерін атап беріңдерші?

Жарайсыңдар балалар, осымен «Елін сүйген- Елбасы» атты тәрбие сағатымыз аяқталды. Еліміз аман, жұртымыз тыныш болсын.