Эмоцияны басу – жара емес, уақытша пластырь

Эмоцияны басу – жара емес, уақытша пластырь

Кейде біз: “Жылама!”, “Сезіміңді көрсетпе!”, “Күшті бол!” деген сөздерді жиі естіп өстік. Соның әсерінен, ішкі эмоцияларымызды жасырып үйрендік. Бірақ бұл — шешім емес. Эмоцияны жасыру — оны жоқ қылу емес, тек уақытша тығып қою. Ал ол сезімдер ерте ме, кеш пе – міндетті түрде сыртқа шығады.

Психологияда мұны эмоцияны басу деп атайды. Бұл жағдай адамның күйзеліске, мазасыздыққа, кейде тіпті психосоматикалық ауруларға алып келуіне себеп болады. Себебі эмоция – ішкі энергия. Оны қабылдап, дұрыс бағытқа бағыттау керек.

Қуану, ашулану, қорқу, ренжу – бәрі де адамның табиғи реакциясы. Эмоцияны сезіну – әлсіздік емес. Бұл – тірі екеніңнің дәлелі. Мысалы, жылау – тазалау сияқты. Көз жасың шыққанда, жүрегің де жеңілдеп қалады.

Өз сезіміңді тану мен қабылдау – бұл ішкі еркіндіктің бір қадамы. Егер сен эмоцияңа рұқсат берсең – өзіңе шынайы өмір сүруге де рұқсат берген боласың.