Қазақ тілі мен әдебиеті пәнінен 8–сынып оқушыларына арналған аралық аттестаттау тапсырмалары

8.2.1.1 тұрақты тіркестер мен көркемдегіш құралдарды қолданып, ауызша мәтіндер құрау;

8.4.2.1эссе құрылымы мен дамуын сақтап, тақырыпқа байланысты берілген мәселенің оңтайлы шешілу жолдарын ұсыну;

8.4.5.1 тақырып бойынша сөздердің маңызды бөліктерін дұрыс жазу (жеке сөздер, бірге, бөлек және дефис арқылы жазылатын сөздер); сөйлем ішінде қойылатын тыныс белгілерді орынды қолдану

8.1.5.1 тірек сөздер, автор көзқарасы мен көңіл күйі арқылы негізгі ойды анықтау;

Бағалау критерийі:

• тұрақты тіркестер мен көркемдегіш құралдарды қолданып, ауызша мәтіндер құрастырады;

• эссе құрылымы мен дамуын сақтап, тақырыпқа байланысты берілген мәселенің оңтайлы шешілу жолдарын ұсына алады;

• тақырып бойынша сөйлем ішінде қойылатын тыныс белгілерді орынды қолданады;

• тірек сөздер арқылы мәтіннің тақырыбын анықтайды

Оқылым

Мәтінді мұқият оқып, төмендегі тапсырманы орындаңыз.

Қазақ халқы «Атадан бала тусайшы, ата жолын қусайшы» деп, атадан балаға мұра болып келе жатқан жақсы қасиеттерді келер ұрпақтың бойына сіңіріп, ізгілікке тәрбиелеуге тырысқан. Атасы немересіне жылдың маусымы ауысымен көштің қалай, қайда көшуін, суды қайдан тауып ішетінін, жеті атасын білуі, елдің батыраларының ерлік хиқаяларын әңгімелеп, адамды жақсы ететін де, жаман ететін де тәрбие екенін жастайынан баланың бойына сіңіріп отырған. Жас ұрпақты бұлай тәрбиелеудің маңыздылығын қазақ халқы ерте түсінген. Ешқандай жоғарғы білімсіз-ақ тәрбиенің небір оңтайлы әдістерін баласының бесігінен бастаған халқымыздың елден шыққан тентегіне де «Сен оңбассың, адам болмассың» дегенді тұқыртып бетін қайтарып айтуды жөн көрмеген. Адамдықтың парызын перзентінің көкірегіне құйып, іс-әрекетін қадағалап отырған. Қазақ баласының санасына қарнының қамын емес, халықтың қамын ойлауды о бастан-ақ сіңіріп өсірген. Осы қасиеттердің барлығын бала санасына ертеден құя білген қазақ халқы он бестегі ұланына ел басқартқан, шешендік сөз өнеріне қатыстырып тәлім берген.

1-тапсырма. Мәтіннен 3 тірек сөзді жазып, тірек сөздер арқылы мәтіннің тақырыбын анықтаңыз.. (2балл)

2-тапсырма. Мәтіннің идеясын 1 сөйлеммен жазыңыз. (1балл)

____________________________________________________________________________

3-тапсырма.Тырысқан, отырған, өсірген сөздерін бұйрық райлы етістікке айналдыр. (2 балл)

4-тапсырма.Мәтіннен сан есімдерді тауып,болжалдық сан есімге айналдыру.

Айтылым

Ұсынылған тақырып бойынша, сұрақтарға ауызша жауап беріңіз.

«Наурыздағы қазақ ырымдары»

1.Қандай ырымдарды білесіз?

2.Ырымдарға сенуге бола ма?

3.Наурыз күні берілетін бата-тілектердің қандай мәні бар деп ойлайсыз?

Жазылым

1-тапсырма. Берілген тақырыптың бірін таңдап, эссе жазыңыз. Жазба жұмысында тыныс белгілердің дұрыс қойылуына назар аударыңыз

1.Білімді мыңды жығады

2.Білім –ғылымның табысы

3.Білім -бақыттың кілті