Ең қиын мамандық - адам боп қалу

Хосе Хулиан Марти

Менің осы мамандықты таңдау уақытым анамның мамандығына деген сүйіспеншілігі және сол мамандыққа деген жанашырлығынан басталады. Кісілік пен кішілікке үлгі болған анамның осы мамандық жолында қиындығын да, алғысын да ала білген адамдардың бірі. Анамның түнімен отырып жазу жазғаны, таңертең таң атпай ерте тұрып қолына қалам алып компьютердің алдында отыруы, күндіз кешке дейін мектепте жүруі осының барлығы мұғалімдік мамандықтың ең қиын мамандық екендігін түсіндім және қызықтым осы мамандыққа.

Менің мамам Мыңбаева Рая биология пәнінің мұғалімі. Ол кісі әр кез менің ұстаздық болмысымның қалыптасуына дем берді.  «Ұстазы жақсының ұстамы жақсы» демекші ұстаз мамамнан алған тәлім тәрбие бәрі де менің ұстаздық болмысымның нық қалыптасуына үлкен үлесін қосты деп ойлаймын. Балалық шағымнан менің үлгі тұтатын адамым - анам. Ол кісіге қарап мұғалім болуды армандадым және сол арманыма бүгінде қол жеткіземін деп ойлаймын. Қай жерде жүрсемде анам аты аталса, ол кісінің еңбегін бағалайтын, елең етпейтін адам жоқ екенін біліп мақтанамын . Ал менің жадымда анам бала жастан жаныма - жалау, өміріме - сүйеніш бола білген, азаматтық қалыптасуыма зор ықпалын тигізген үлкен дос болып қала береді.

Ұстаз - ұлағатты ұғым.
Ұстаз... Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегінде қадір тұтып, құрметтейтін екі ұғым болса, соның бірі -Ұстаз. Ұстаз алдынан өтпейтін ешкім жоқ. Жүрексіз өмір болмаса, мұғалімсіз білімнің, тәрбиенің іске аспайтыны белгілі. Небір данышпан адамдар, қарапайым еңбеккерлер, тіпті арман қуған жеткіншектер де бәрі бір адамға қарыздар.

«Ұстаз» деген қазақ баласы үшін қашанда қасиетті, қадірлі болған. «Ұстаздан тәрбие алған» немесе «ұстаз алдын көрген» деген сөздер құлаққа «ана тәрбиесін алған» деген сөздермен ұштасып жатады.

Әлемде өзі қаламайтын мамандық иесі болып жүрген қаншама адам бар, өз жұмысын жанымен сүйіп істейтін адамдардың да саны аз емес. Мамандық таңдаудан жаңылмай, өз өміріміздің бір кірпішін дұрыс қалауымыз керек. Сондықтан мамандық таңдау уақытынан қателеспеуіміз керек. Мен мұғалімдік мамандықты қадірлеймін және осы таңдауыма жетуге еңбектенемін.
Жармыш орта мектебі

Шахтыбай Алмат 9- сынып