Ең үлкен байлық

Сабақтың тақырыбы:Ең үлкен байлық

Сабақтың мақсаты:

1.Оқушыларға әңгіме мазмұнын түсіндіре отырып,кейіпкерлердің іс-әрекеті арқылы адам өз денсаулығын күту қажеттігін түсіндіру

2 Оқушыларды еңбек етуге үйрете отырып,адамгершілікке,имандылыққа,мейірімділікке тәрбиелеу.

3 Оқушылардың ойлау,есте сақтау қабілетін жетілдіре отырып,сөздік қорын молайта отырып,сөйлеу мәдениетін қалыптастыру.

Сабақтың әдіс-тәсілі:көрініс ретінде түсіндіру,сұрақ-жауап

Сабақтың көрнекілігі:слайд,қар,қар салынған себет

I Ұйымдастыру кезеңі

-Оқушылардың назарын сабаққа аудару

II Кіріспе

Сергіту сәті

Тік ұстап денеңді,Сапқа тұр сен енді.

Жанға сеп шынығу

Жаттығып тынығу

Сымбатты болу да

Өзіңнің қолыңда

Слаид.Би билеу

-Балалар қалай ойлайсыңдар адмның көңіл-күйі көтеріңкі болуы неге байланысты ?

-Денсаулығымыз мықты болу үшін не істеуіміз керек?

III Негізгі бөлім

Көрініс көрсету

Ең үлкен байлық

Ертеде бір жас жігіт өзінің кедейлігін айтып,әрдайым мұңын шағудан жалықпайды екен:

-Шіркін –ай,егер менің байлығым көп болса,қандай жақсы болар еді.Мен онда асып-тасып өмір сүрер едім,-деп,зарлауын қоймайды.

Бір күні жігіттің лашығының қасынан қарт тас қашаушы өтіп бара жатып,зарлап отырған әлгінің қасына келіп:

-Саған не болды сонша жыланып?Сен нағыз бай адам емессіңбе?-деп сұрайды.

-Мен баймын ба?-деп таң қалады жігіт.-Қане ,қайда ол байлық.

-Сенің көздерің ше?Бір көзіңді біреуге қаншаға берер едің ?-деп сұрады қарт

-Оның не?-деп ,шошып кетті жігіт

-Мен көзімді ешқандай байлыққа айырбастамаймын!

-Жарайды ,-деді тас қашаушы.-Ендеше екі қолыңды шауып тастасын,ол үшін саған көп алтын береді.

-Жоқ!Қолымды бермеймін,алтының керек емес,-деді жігіт.

-Міне ,көрдің бе.Сен өте бай адамсың ғой,-деді қарт тас қашаушы.

-Ендеше,несіне зарлай бересің?Маған сенсең,адамның ең үлкен байлығы-күш қуаты мен денсаулығы.Оны ақшаға сатып ала алмайсың,-деді де ,ол өз жөніне кете барды.

IV Пысықтау сұрақтары

«Қар жинау» ойыны

Шарты:Оқушыларға әңгіменің не туралы болғандығы туралы сұрақ-жауап болады.Әр оқушы сұраққа жауап беру арқылы себетке қарды салады.

-Әңгіме тақырыбы қалай аталады?

-Әңгімеде қандай кейіпкерлер бар?

-Жігіт неге көңілсіз отырды?

-Жігітке кім кездеседі?

-Ол қартпен не туралы әнгімелесті?

-Жігіт байлықты қалай түсінді?

V Қорытынды

-Бүгінгі сабақтың тақырыбы қалай аталады?

-Бүгін не туралы әңгімеледік?

VI Бағалау

Оқушылардың білімдеріне қарай мақтап-мадақтау.