Еріктілер жобасы жалғасын табуда

Еріктілер жобасы жалғасын табуда

Баянауыл ауданының Шапық Шөкин атындағы №2 жалпы орта білім беру мектебінде дәстүрге айналған «Болашақ заманның програмистері» бейіндік жазғы легері өз жұмысын тәмамдады. 2016 жылдан бастау алған, Уорвик (Англия) университетінің түлектерінің жетекшіклік етуімен 5-8 сынып оқушыларына «Next Generation Programmers» атты курс ұйымдастырылып, 25-тен астам таңдаудан өткен оқушы компьютерлік ойын мен андроид тіркемелер құрастыратын бағдарламалау құралдарыныңтілдерімен таныс болды. Биыл эпидемиологиялық жағдайды ескере отырып, жұмыс жасауды аралас (онлайн/офлайн) ұйымдастырғандықтан, еріктілер мен спикерлер былтырғы жылға қарағанда әлдеқайда көп қосылды.

Курс барысында Норфолк (АҚШ) университетінің техникалық ғылымның докторы, Monа Rizvi балаларға арналған бағдарламалауды басынан бастап үйрету; Лафборо (Ұлыбритания) Университетінің докторы Mаttew Bradbury киберқауіпсіздік жұмысымен таныстыру; Оксфорд (Ұлыбритания) университетінің түлегі, әрі медиа агенттігінің (Лондон) қызметкері Kate Kheathward балалармен ағылшын тіліне машықтау дәрістері ұйымдастырылды. Сонымен қатар Назарбаев Университетінің студенттері және әлемдік технология саласының инженерлері мен программистеріөз тәжірибелерімен бөлісті. Бұл 2021 жылғы оқытудың ерекшелігі болды.

Оқушылар өзін қызықтырған, атап айтқанда вебсайт, ағылшын тілін машықтауға арналған компьютер ойыны, андроид студиясы арқылы туризм тіркемесі, 3D модель жасау сияқты қызықты жобалар дайындап, түрлі бағытта білімін шыңдауға мүмкіндік алды.

Маненова А.А.

ағылшын тілі мұғалімі

manenova.asel.a@mail.ru