«Ерте жүктіліктің алдын алу» тақырыбында кездесу.

Түркістан облысы Жетісай ауданына қарасты «№25 жалпы білім беретін мектеп» коммуналдық мемлекеттік мекемесінде 2024 – 2025 оқу жылына арналған «Біртұтас тәрбие» бағдарламасын жүзеге асыру бойынша жұмыс жоспарына сәйкес директордың тәрбие ісі жөніндегі орынбасарлары Ж.Джахаева мен Р.Ахманова,Әлеуметтік педагог Р.Сарайбаева,ҚББП Н.Умбетова,Аға тәлімгер Ғ.Сырлыбаеваның ұйымдастыруымен, мектеп медбикесі Ұ.Елғондиеваның үйлестіруімен, 8-11 сынып қыздарының қатысуымен "Ерте жүктіліктің алдын алу" тақырыбында Жетісай Аудандық емхананың акушер-гинекологы Абзейтова Ақшақыз Әбдімәлікқызының қатысуымен кездесу өткізілді.

Кездесудің мақсаты: Әлемде, жалпы елімізде болып жатқан келеңсіз оқиғалардың алдын алу және қыз балалар арасында кездесетін ерте жүктілік, оның денсаулыққа қаншалықты зиян екендігін түсіндіре отырып қыз бала тәрбиесіне дұрыс көңіл бөлуге ақыл-кеңестер беру.

Кездесуге аудандық емхананың акушер-гинеколог маманы Абзейтова Ақшақыз Әбдімәлікқызы қатысып «Ерте жүктіліктен қалай сақтануға болады? Ерте жүктілік немен қауіпті?, - деген сауал төңірегінде ой қозғап, 8-11 сынып қыздарымен пікір алмасты. Жасанды түсік — болашақта бала сүю мүмкіндігін төмендететіні, яғни бедеулікке апарып соқтыратынын, жасанды түсік жасататын қыздар онкологиялық , гинекологиялық ауруларға шалдығатыны туралы түсіндіріп өтті.Сонымен қатар қыз балаларда өтпелі жас кезеңі басталып, гормондық жетілу процесі жүретінін, көптеген отбасында осы тақырыпта әңгіме қозғалмай , жабық күйде қалатынын, анасымен ашық сырласпауы дұрыс еместігін айтты.Қоғамның дамуы мен мемлекеттің өркендеуі - келешек аналар қолында , қыз баланың тәрбиесіне де байланысты екенін айтты.

Қорытындылай келе, кездесу қыз балалардың өздерінің қоғамдағы орнын сезінуіне, құндылықтарын айқындауына, өмірге мейіріммен, махаббатпен қарай білуге деген ұғымдарын тудырды. Сол себепті қоғамның дамуы мен мемлекеттің өркендеуі келешек аналар қолында десек, қыз бала тәрбиесіне бей-жай қарамауымыз қажет.

ДТІЖО: Джахаева Жанар Полатовна