Тақырыбы: Ертегілер еліне саяхат

Мақсаты:

Оқушыларды халық ауыз әдебиетіндегі ертегілермен, ертегі кейіпкерлерімен таныстырып, ұлттық рухани біліммен қаруландыру;

Оқушының тілін, қиялын, сөздік қорын халық мұрасы арқылы дамыту;

Оқушыларды ертегіні сүйіп оқуға, адамгершілікке, шындыққа, елжандылыққа тәрбиелеу.

Барысы.

Жүргізуші :Армысыздар ұстаздар , оқушылар! -Бүгінгі «Ертегілер еліне саяхат» атты ертеңгілігіне қош келдіңіздер!

- Балалар бүгін көңіл - күйлерің қалай? Көңіл күйлеріңді жақсарта түсу үшін бір тамаша ән тыңдайық! «Ертегілер елі» әні.

Орындайтын Самай Әсем

Жүргізуші:

- Балалар, ертегілер әлемін қандай деп ойлайсыңдар? - Ертегілер елінде кімдер тұрады?- Қандай жағымды, жағымсыз кейіпкерлерді білесіңдер?- Ертегілер бізді неге үйретеді?

Ертегілер әлеміне барғыларың келе ме?

Онда әуелі ертегілер еліне жеткізер бір сиқырлы затты тауып алайық. Ал іздеп көрейік.- Жоғарыдан іздеңдер, бар ма, көріне ме?- Төменнен іздеңдер, бар ма, көріне ме?- Терезе жаққа қараңдар, мұқият қараңдар, бар ма? Мұнда да жоқ па?- Мүмкін орындықтардың арасында болар?! Сиқырлы таяқша тауып алады.

Міне, енді жолға шығуға болады, мына сиқырлы таяқшаны қозғай отырып сиқырлы сөздер айтсақ әп -сәтте ертегілер елінде боламыз.

Шухты-мухты, Дрим-трим, Шухты-мухты,. Дуруки мурики.

О, қандай ғажап, міне біздер ертегілер еліндеміз. Ертегілер елінің қақпасы бізге айқара ашылды. Бірақ ертегілер елін аралау үшін бірнеше тосқауылдан өту керек сияқты, дайынбыз ба?- Балалар, ендеше бәріміз тапсырманы бірігіп орындап, тосқауылдан жылдам өтіп кетейік.

1-ші тосқауылымыз Мыстан кемпірдің тапсырмасы. "Ерте, ерте, ертеде..." деп аталады. Бұл тапсырмада ертегіде не туралы айтылады? Ертегілер туралы кім не біледі? Ертегілерде кімдер туралы, нелер туралы айтылады екен?

1-оқушы:

Өткен күн таң тамаша ертегі ғой,

Айтады ертегі сыр, ертегі ой.

Ертегі айтса еліктіріп балалар,

Қиялға қызықтырып ертеді ғой.

2-оқушы:

Ертегіде халықтың мұң-зары бар,

Орман, тау, өрмелейтін кұздары бар.

Жамандықпен алысып, жауын жеңген

Халқымның ұлдары мен қыздары бар!

3-оқушы:

Жауларымен алысып жекелеген,

Батыр ма ел намысын өтемеген.

Ертегімен халқымыз ертеңіне

Ұрпағын қызықтырып жетелеген.

4-оқушы:

Кел онда, ертегіні шертейік біз.

Қауымды мына келген ертейік біз.

"Ертегі еліне" бір саяхаттап.

Келгендерді соңымыздан ертейік біз.

Жүргізуші - Өте жақсы, балалар! Балалар, ертегілер — бұл қиял-ғажайып оқиғалар туралы әңгімелер. Ертегілердің түрлері көп. Хайуанаттар туралы, қиял-ғажайып, шыншыл ертегілер, аңыз-ертегілер болып бөлінеді. Сендер өздерің қандай ертегілер білесіндер? Әжелерің ертегі айтады ма? Сендерге қандай ертегілер айтты? Қане, кім айтар екен? «Түлкі мен қоян» ертегісі көрініс

2-ші тосқауылымыз, жоқ бұл Ғажайып бақ аялдамасы екен, мұнда біз сендермен біраз тынығып алуымызға болады. Ортада Қазақ биімен Есенаман Айару . Қабыл алыңыздар.

Ендігі кезекті әнге береміз.

Ән «Кітапхана» Орындайтын : Нұрайша

3-ші тосқауылымыз Айдаһардың тапсырмасы: хормен ән айтсын

деп отыр Хор «Бірлігіміз жарасқан»

Жүргізуші:

- Ертегілер елін біраз араладық, енді өз сыныбымызға қайтар кезде келіп жетті. Ол үшін тағы да сиқырлы тақшаның көмегі керек. Сиқырлы сөзді ұмытып қалған жоқсыңдар ма?

Шухты-мухты, Дрим-трим, Шухты-мухты,. Дуруки мурики.

Сиқыр деген ғажап емес, міне әп-сәтте сыныпқа оралдық, бүгінгі саяхатымыз ұнады ма? Несімен ұнады?

- Ендеше мына жерде сендерге арнап ертегілер кітаптарынан көрме ұйымдастырылған.

Сендер осы ертегілердің өздеріңе ұнағанын алып үйден оқып келесіңдер. Ойдан ертегі құрастырып көріңдер.- Ертегілер сенің қиялыңа қанат бітіріп, арманыңды аскақтатады, өмірге құлшындырып, жаңалық ашуға жігерлендіреді. Сондықтан ертегілерді сүйе біліңдер, сүйсіне оқыңдар.

Лицейімздің _________________________________________ сөз кезегін береміз.

Сау болыңдар.