Ертегілер туралы

1. Қазақ ертегілері неше топқа бөлінеді?

3 топқа: Қиял-ғажайып, шыншыл ертегілер және хайуанаттар жайлы ертегілер

2. «Керқұла атты Кендебай» ертегісі ертегінің қай түріне жатады?

Қиял-ғажайып ертегілеріне

3. Ертегілер қалай аяқталады?

Мұратына жетіпті, бақыты ғұмыр кешіпті...

4. Хайуанаттар туралы қандай ертегілерді білесіңдер?

«Ауырған арыстан», «Түлкі мен қасқыр», «Арыстан мен тышқан» ,т.б

5. «Аяз би әліңді біл, Құмырсқа жолыңды біл» деген сөздің мағынасы қалай шыққан?

Аяз би де , Құмырсқа би де Мөңке бидің тұсында өмір сүрген. Бір жиында Аяз би мен Құмырсқа би қайта-қайта Мөңке бимен жағаласып сөз бермей қойыпты. Сол кезде ашуланған Мөңке өлеңдете келе «Аяз би әліңді біл, Құмырсқа жолыңды біл» деп тоқтау айтқан екен.

6. «Мен қырдың қызыл түлкісімін...» үзінді қай ертегіден алынған?

«Алтын сақа»

7. 12 хайуанат кейіпкері бар қандай ертегіні білесіңдер?

«Жыл басына таласқан хайуанаттар»

8. Арыстан арқылы қандай адамдардың мінезін береді?

Халыққа зорлық -зомбылық көрсетіп отырған патшалар бейнесін берген.

9. Қиял-ғажайып ертегілерінің ерекшеліктері неде?

Кейіпкерлерінің адамзат баласынан өзгеше болуы, тұлпарларға тіл бітуі, кейіпкерлерінің минут сайын, сағат сайын өсулері

10. «Толағай» қандай ертегі?

Әдеби ертегі. Авторы: Әбділда Тәжібаев.

11. Ертегілерден халықтың қандай армандарын білуге болады?

Халықтың жақсы өмірді аңсауы

12. Шыншыл немесе тұрмыстық ертегілердің қандай түрлерін білесіңдер?

«Аяз би», «Үш жалқау», «Тазша бала»

13. Бірінші буыны құс атауы, екінші буыны кедей сөзінің антонимі болып келетін кейіпкері бар ертегінің аты?

«Ұр тоқпақ»

14. Жаман шөптің жаманы деп қарақоғаны неге таңдатады?

Шеңгелдің киімді жыртып әлекке түсіргенімен жылуы ұзаққа сақталады. Қарақоға түтіндеп, бықсып жанбайды

15. Тұзақ құрып , күн көріпті үзінді қай ертегіден алынған?

«Ұр тоқпақ»

«Толағай» тобының сұрақтары

1. «Аяз би» ертегісі ертегінің қай түріне жатады?

Шыншыл ертегі

2. Хайуанаттар жайлы ертегілердің ерекшелігі неде?

Адамдардың мінездерін, іс-әрекеттерін хайуанаттар бейнесі арқылы жеткізу

3. –Сенің жеті атаңда хандық жоқ, сен қарадан туған хансың!-үзінді қай ертегіден алынған?

«Аяз би» ертегісінен

4. -Қырық қызбен қызымды қатар тұрғызам, солардың ішінен танып алғанға қызымды беремін, — дейді. Үзінді қай ертегі кейіпкерінің сөзінен алынған?

«Күн астындағы Күнікей қыз», патшаның сөзі

5. Аю бейнесі арқылы қандай адамдардың мінезін береді?

Момын, аңқау адамдардың

6. Кендебай Керқұланы немен асырайды?

Құланның сүтімен

7. «Қошқар мен Теке» ертегісінде жиі кездесетін мақал –мәтелдер

«Бірлік бар жерде, тірлік бар» , «Бақыт –ынтымағы жарасқан үйде», «Мақалыңа-сақалым», «Жаттығу қаншалықты қиын болса, ұрыста соншалықты жеңіл болады», «Қоянды қамыс, ерді намыс өлтіреді»

8. - Құрығыңды құлдыратып, жүгеніңді сылдыратып, жылқыға бар. Қай тай бетіңе қараса, соны мін, - дейді. Үзінді қай ертегіден алынған?

«Алтын сақа»

9. Қазанға байланысты ертегі?

«Ұр, тоқпақ!»

10. Жаман Мадан ханның наубайшынының баласы екенін қалай байқап қалады?

Жаманды әкелген бетте аспазға жібертіп, тамақ бергізуінен

11. «Ардақтаған анаңды алса, төгілмей ме ырысың, асқар таудай әкеңді алса, көрген күнің құрысын...» қай ертегіден алынған? Қай кейіпкердің сөзі?

«Керқұла атты Кендебай», қойшы баланың Кендебаймен кездескенде айтқан сөзі

12. Тышқан қулығын асырған ертегі атауы?

«Жыл басына таласқан хайуанаттар»

13. Планета атауы кездесетін ертегінің аты?

«Күн астындағы Күнікей қыз»

14. Уәзірлері үнемі іштарлық көрсетіп ,патшаны теріс үгіттеп қоятын ертегінің аты?

«Аяз би»

15. Саққұлақтың балаға көмегі қай кезде көрінеді?

Патша қызын жерастындағы бөлмесіне тығып қояды. Кесте тігіп отырған Күнікейдің инесі жерге түсіп кетеді. Соны Саққұлақ естіп қояды.

Бағалау парағы

«Толағай»