Жамбыл облысы Тараз қаласы
№13 бөбекжай- бақша тәрбиешісі
Ауғанбаева Клара Тамабаевна

Тақырыбы: «1- мамыр ынтымақ күні»
Мақсаты: Балаларға халықтар бірлігі мерекесін, өзге ұлт өкілдерін танып білуге, олардың тілін білуге үйрету.
Дамытушылық: Сөздік қорын, ой- өрісін дамыту.
Тәрбиелік: Отанға деген сүйіспеншілік, достық қарым-қатынасқа тәрбиелеу.

Жүргізуші: Қайырлы күн ардақты ұстаздар! Баршаңызды 1 мамыр халықтар бірлігі мен ынтымақтастығы мерекесімен шын жүректен құттықтаймыз!
«Сәлем сөздің – атасы» дей отырып бірінші сәлемдесіп алайық:
- Здраствуйте.
- Ассалаумағалейкум.
- Хелоу.
Жүргізуші: Балалар, біз қай республикада тұрамыз?
Балалар: Қазақстанда.
Жүргізуші: Қазақстанда қандай ұлт өкілдерін білесіндер?
Балалар: Қырғыз, өзбек, татар, түрік, орыс, неміс, беларус.
Ән: «Достық»
Жүргізуші: Балалар достық, ынтымақ күніне арналған тақпақтарымызды айтайық.
Марлен:
Мен қазақпын мың өліп, мың тірілген,
Жөргегіммен таныстым мың тіліммен.
Жылағанда жүрегім күн тұтылып,
Қуанғанда күлкімнен күн түрілген.
Даниял:
Мен қазақпын биікпін, байтақ елмін,
Қайта тудым өмірге қайта келдім.
Мен мыңда бір тірілдім мәңгі өлмеске,
Айта бергім келеді, айта бергім.
Нұрдәулет:
Сүйікті көркем ай келді,
Мереке келді май келді.
Көкте тұрды күн күліп,
Көктем келді құлпырып.
Донье:
С 1 мая поздравею
И от всей души желаю.
Чтоб цвела как весна,
Чтоб счаслива была.
Чтоб сверкала звездой,
Чтоб была ты сомной.
Алина:
Опять, надо миром поднимая,
Все выше чистоту небес.
Влетает юный ветер мое,
Кнам с обещанием чудес.
Ән: «Қарлығаш»
Би: «Үнді биі»
Тақпақтар.
Нұрсая:
Мамыр келді шуақты,
Сылдырап су ақты.
Мамыр келді көрікті,
қызықты ойын көңілді.
Мамыр келді шуақты,
Жауқазын гүл жайқалды.
Алиасқар:
Досты сыйлау салтымыз,
Достық жасау шартымыз.
Достық жасап бар елмен,
Достасады халқымыз.
Жүргізуші: Достықтың, бейбітшіліктің белгісі «Ақ көгершін» әнін қабыл алыңыздар.
Ән: «Ақ көгершін»
Ойын: «Тақия тастамақ»
Ән: «Сылдырмақ»
Жүргізуші: Тілі бөлек болғанмен тілек бір,
Ұлы достық мәпелеген жүрек гүл.
Қазақстан бір ұласқан шаңырақ,
Шайқалмастан шаттығымыз тірек тұр.