«Қош келдің, Жаңа жыл!»

Мақсаты: Балалардың мерекелік қуаныш сезімдерін арттыру. Мереке барысында балаларда көркемдік қабілетін, эмоциялық икемділігін, шығармашылық белсенділігін дамыту. Достарға деген мейірімді қарым-қатынасқа үйрету. Үлкендерге, құрдастарына деген құрмет сезімін және мереке үстіндегі іс-қимылдары мен мінез-құлықтарына қызығушылық сезімін тәрбиелеу.

1 ЖҮРГІЗУШІ: Құрметті қонақтар келе жатқан жаңа 2019 жылмен құттықтаймын! Жаңа жыл жаңа бақыт, жаңа табыс әкелсін! Еліміз тыныш, жұртымыз аман болсын, ауыз біршілігіміз берік болып, жарқын болашаққа деген сенім нық болсын! Жаңа жыл — бірлік пен татулықтың жылы болсын! Әр отбасы үшін ырыс пен береке жылы болсын.

Әдемі әуенмен балалар кіреді.

2 ЖҮРГІЗУШІ
Жаңа жылдың таңы неткен арайлы,
Ақ мамыққа бөлеп алды маңайды
Жаңа жылмен құттықтаймын бәріңізді,
Бақыт, шаттық, молшылық әкелсін.
Бәрімізге мына жыл арайлы!
Құтты болсын ағайын!
Жаңа жылың тағы да
Қол соғып қарсы алайық
Шақырайық ортаға
Ертеңгілік басталсын
«Құлыншақ» тобында!

1 ЖҮРГІЗУШІ: Ән: «Қыс келді»

2 ЖҮРГІЗУШІ: Балалар біздің мерекеге кім жетіспейді. Ендеше Аяз атамен Ақшақарымызды шақырайық

1 ЖҮРГІЗУШІ: Аяз атамен Ақшақардың киімін киіп алған қасқыр мен қоян келеді. Өлеңдерін қимылмен айтады. Үстеріндегі киімдерін шешіп жіберіп балаларға тосын сый жасайды.
Қасқыр, қоян: Сәлеметсіңдерме балалар!

2 ЖҮРГІЗУШІ: Қасқыр, қоян біз мұнда жаңа жыл мерекесін тойлап жатырмыз. Бірақ біздің балалар Аяз Ата мен Ақшақарға өз өнерлерін көрсетіп сыйлық аламыз деп тосып отыр. Сендер қайдан келесіңдер?

Қасқыр: Бізде қоян екеуміз жаңа жыл мерекесін тойлауға шықтық. Осы жерден өтіп бара жатып сіздердің дауыстарыңызды естіп құттықтауға келдік.

Қоян: Сіздер Жаңа Жыл мерекесін тойлап жатсаңыздар балалардың мерекеге дайындаған өнерлерін көрсек қайтеді?

1 ЖҮРГІЗУШІ: Әрине төрлетіңіздер. Қазір біздің балалар сіздерге арнап тақпақтарын айтады.

Жанель: Әдемілеп біз ілген
Ойыншықтар тізілген
Қандай әсем шыршамыз,
Ән шырқайық баршамыз.

Айзере: Тамаша , тамаша
Шыршамыз тұр жараса.
Басында әсем жұлдызы,
Көз тоймайды қараса.

Алан: Огоньки кругом горят
Ждут подарки всех ребят.
Скоро сказка к вам придет,
Наступает Новый год!

Алина: Келіңдер, келіңдер
Тақпақ айтып беріңдер.
Жомарт Аяз атадан,
Сыйлық алып көріңдер!

Ясина: Жасыл желек жамылған,
Асыл моншақ тағылған.
Міне, сұлу шыршамыз
Көптен күтіп, сағынған.

2ЖҮРГІЗУШІ: «Көңілді би»

1 Жүргізуші: Ата –аналар сіздерменде бір ойын ойнап жіберик. Ойын «Ұйқасын тап» деп аталады. Мен сөйлемнің басын бастаймын сіздер аяқтайсыздар.
Ойын: «ҰЙҚАСЫН ТАП»

1.Қарға мүлгіп дала тұр, келе жатыр жаңа жыл.
2.Қызыл мұрын ақ мұртты, білсең атын тез ата.
Келеді бізге Аяз ата
3.Шырша бүгін кәделі, шырша бүгін әдемі
4.Көңілсіз бір бала жоқ, ойын күлкі таралсын.
Құтты болсын жаңа жыл.

Қоян, қасқыр: Балалар біз сендермен серігіп ойын ойнап алсақ қайтеді. Ендеше 2 топқа бөлініп шыршаны безендіреміз.

Ойын «Шыршаны безендіру»

Қасқыр, қоян: Балалар бізге сендердің өнерлерің ұнады. Сендерге көп рахмет. Біз орманға барып Аяз ата мен Ақшақарды сендерге жіберейік. Жаңа Жыл мерекесі құтты болсын. Сау болыңыздар.

1 ЖҮРГІЗУШІ: Балалар ендеше Аяз атамен Ақшақарды шақырайық. Аяз Ата, ақшақар.

Аяз Ата Ақшақар кіреді. Өз сөздерін айтады. Балалар шырша шамы жағылмапты ғой. Ендеше мен сиқырлы таяғыммен шырша шамын жағайын.

2 ЖҮРГІЗУШІ: Ол үшін балалар біз сиқырлы сөздерімізді айтуымыз керек.

1,2,3 шам жарқырай түс.

Аяз Ата: бізге қандай тосын сыйларың бар?

1 ЖҮРГІЗУШІ: біздің балалардың тақпақтары бар.

Айсұлтан: Достарыма баптан,
Мен айтайын тақпақ.
Жаңа жылдың қонағы
Ақшақар біздің аппақ.

Дильназ: Жаңа жылым мол болсын,
Басқан қадам оң болсын.
Төрле-төрле жаңа жыл,
Бізге құтты жыл болсын.

Айкөркем: Қалып едік сағынып,
Күтіп алдық жабылып.
Жолын қойдық жарық қып,
Шыршаларға шам іліп.

Асылжан: Қандай қызық қыс деген,
Қалтырайды құс деген
Құлақшынды кимесең,
Құлағыңды тістеген.

2 ЖҮРГІЗУШІ: ӘН «ШЫРША ЖЫРЫ»

1 ЖҮРГІЗУШІ: Ақшақар біздің қыздарымыздың сізге тосын сыйы бар. Ол үшін сіз көзіңізді жұмуыңыз керек. Мен аш дегенде ашасыз.

Әуеледі әніміз
Жаңа кірді сәніміз
Ақшақарды ортаға алып
Би билейік бәріміз – деп Ақшақарға арнап би билеп береміз.

Ортада қыздарымыз «АҚШАҚАР» биімен

2 ЖҮРГІЗУШІ: Мерекемізді одан әрі жалғастырамыз. Тақпақтар.

Ерке: Жаңа Жыл келгенде,
Қуанып қарсы аламыз.
Аяз ата келгенде
Билмейміз, ән саламыз.

Айтуар: Далада қар борайды,
Ақ мамыққа орайды.
Мұз болады, қатады.
Жып-жылтыр болып жатады.

Жұлдызай: Мерекеге келдік,
Тақпақ айтып бердік.
Ойыншықтарын тізген
Шыршаны да көрдік.

Мұмтаз: Сақалы аппақ күмістей,
Тістері аппақ күріштей.
Қызыл ала шапаны,
Сағындым аяз атаны.

Тарсыл естіледі. Ширманын артынан керіліп, көзін уқалап аю шығады.
Аю: Бұл не қылған шу. Менің мазамды алып. Ұйықтап жатқан жерімнен неге оятасыздар?

1 ЖҮРГІЗУШІ: Аю сен ашуыңды бас. Біз мына жерде балалармен жаңа жыл мерекесін қарсы алып жатырмыз.
Аю: Ол не мереке? Мен қыс бойы ұйықтап көктемде бірақ оянамын.
1 ЖҮРГІЗУШІ: Біз ескі жылды шығарып салып, жаңа жылды қарсы аламыз. Сен оданда ашуыңды бас. Мына жерде сенің кішкентай достарың қонжықтар келіп отыр. Саған арнаған қонжықтар биін билеп берсін. Сеніңде көңілің көтеріліп қалсын.

БИ: «ҚОНЖЫҚТАР»

2 ЖҮРГІЗУШІ: Енді кезекті ойынға берейік. Қазір біздің балалар мерекеге қарсы топты безендіреміз. Ол үшін жіпке қар шиыршықтарын әдемілеп қыстырғыш арқылы ілеміз.

ОЙЫН: «ТОПТЫ БЕЗЕНДІРУ»

АЯЗ АТА: Балалар Жаңа Жыл мерекесі бір жылда бір рет келетін сиқырлы мереке. Мен сіздер қандай тілектер айтасыңыздар соны орындаймын.

1 ЖҮРГІЗУШІ: Ендеше біздің Ата аналарымыз бір бір тілектен айтып шықсын.

2 ЖҮРГІЗУШІ:ӘН «Кішкентай Шырша»