Ертеңгілік Тақырыбы:Гүл жайнаған балалар

Балаларды қорғау күніне арналған музыкалық іс - шара

"Гүл жайнаға балалар"

Балаларды қорғау күніне арналған музыкалық іс - шара
№ 53 «Мерей» балабақшасы
Тақырыбы: «Гүл жайнаған балалар»

Мақсаты: балалардың жеке қасиеттерін дамыту, Бір - бірін сыйлауға, адамгершілік қасиеттерін жоғалтпай ұстауға жетелеу.

Жүргізуші:

Армысыңдар балалар, бармысыңдар,
Жаз да келді, жайнаған гүлді шыңдар
Алдыменен алайық амандасып,
Армысыңдар бәрің де, армысыңдар!

Жүргізуші: Сәлеметсіздер ме, мерекеге жиналған қонақтар!
Баршамызды бала тілмен баурайтын,
Бала деген бір бақыт қой самғайтын
Ата - ананың арманы мен тілегін,
Бала емес пе бал бұлақтан жалғайтын
Сүйкімді періштелер сендерсің
Қандай бейне өздеріңе тең келсін!
Данышпан да, ғарышкер де, ғалым да,
Ең алдымен балалықты меңгерсін.

1 – Маусым - Халықаралық балаларды қорғау күні Бүгін біз осы мерекені атап өтпекшіміз. Көңіл күйлерің қалай?

Би: «Тентегім» Еркетай және айгөлек топтарының балалары.

Сайқымазақтың келуі: Бұл не мереке? Нені тойлап жатырсыңдар? маған неге айтпадыңдар, а?

Жүргізуші: Тоқта, тоқта, сендер кімсіңдер өзі біздің мерекені бұзатын? Бүгін үлкен мереке, біз оны тойлаймыз, ешкім кедергі бола алмайды! Бізбен бірге тойлаймыз десеңдер, онда тәртіп сақтаңдар.
Балалар, сайқымазақтарды қалдырамыз ба? Қалдырамыз.

Жүргізуші:

Ақылды балапан бүгінгі,
Көркейтер күніңді ертеңгі,
Үйренген өнерін көрсетсін
Бүлдіршін балалар белсенді - демекші сайқымазақтың бізге ала келген ойынын ойнайық.

Ойын: «Көңілді орындық»

Би «Ковбой» Қарлығаш тобының бүлдіршіндерінің биін тамашалайық.

Жүргізуші: Көк жиектен күлімдеп,
Маусымның таңы атты
Тұра қойшы күнім – деп,
Анаң сені оятты –
Даналардың тілегі,
Балалардың тілегі
Ауырмасын ешқашан
Аналардың жүрегі.

Сән үлгісімен «Әдемай» тобын қарсы алыңыздар!

Би: «Вальс» Балдаурен және Арай топтарының балалары
Жүргізуші: Осымен «Өлкенің гүл жайнаған балғындары» атты мерекелік іс - шарамыз аяқталды.