Есірткісіз өмір – ғажайып!

Өмір – бізге берілген ең қымбат сый. Әр таң атқанда жаңа мүмкіндік, жаңа арман, жаңа мақсат басталады. Бірақ сол әдемі өмірді көлеңкеге айналдыратын қауіп бар. Ол – есірткі. Есірткі адамды бір сәттік алдамшы «қуанышқа» жетелегенімен, артынша оның өмірін жалмап, тағдырын күл-талқан етеді.

Есірткіге үйір болған адамның армандары өшеді, мақсаттары жоғалады, болашағы бұлыңғыр тартады. Бір-ақ рет жасаған қателік бүкіл өмірге кері әсерін тигізуі мүмкін. Сол үшін әр адам, әсіресе жастар, есірткінің зиянын терең түсінуі керек. Өйткені есірткі – тек денсаулықты ғана емес, жанұяны, достықты, болашақтағы жарқын армандарды да талқандайтын қауіпті жау.

Біз өмірге «Иә!» деп айтуымыз керек. Денсаулыққа, білімге, арманға, достыққа, бақытқа – «Иә!». Ал есірткіге тек «Жоқ!» деп нық айту – әр адамның өзіне және жақындарына деген ең үлкен жауапкершілігі.

Өмірдің өзі – үлкен ғажайып. Сол ғажайыпты бұзбай, оны сақтап қалу өз қолымызда. Есірткісіз жарқын болашақ құру – бүгінгі таңда әрбір жастың міндеті әрі таңдауы. Ендеше, өмірді сүйейік, денсаулықты бағалайық, саналы қадам жасайық.

Мұрат Айсәуле

4-сынып оқушысы

Жалағаш ауданы