Эссе "Ана" "Ана деген"

Эссе

Ана

Адам бойындағы жақсы- жаман қасиеттердің бәрі анадан.Ананың тілі,ананың мейірбандығы ,ананың махаббаты,ізгілігі мен ізеттілігі,ақ көңілі мен адал ниеті бәрі-бәрі адамға ана құрсағында жатқанда-ақ түйіндеп,ананың ақ уыз сүті мен бойға сіңеді.Батыр да,бағлан да,көсемде,шешен де,данышпан да бәрі-бәрі анадан.Сондықтан да болар-ау,атам қазақ ана парызын әке парызынан әлде қайда жоғары қояды. «Анаңды көтеріп,Меккеге үш рет апарсаң да анаға мәңгі –бақи қарызсың» деген сөз соны аңғартпай ма?

Әркім өз анасымен мақтанады,оны мақтайды.Мен де ел сияқты анаммен мақтанамын,тұла бойымда титімдей ізгі қасиет болса,оны сол анамнан ауысқан деп білемін.Жер бетіндегі жақсылық,ізгілік,қайырымдылық атауларының бәрі де ананың ақ сүтімен тарайды.Шырылдап жерге түскеннен-ақ,сенің ең бір жақының,ең бір досың,ең бір ұстазың бар.Ол ана.Сенің қара жерді баспай жатып,есіңді білмей жатып,тырмысып бауырына жабысатының ,шырылдап уанбай ,жылап іздейтінің –Ана.Ол саған бәрінен де қымбат.Сен үшін ол жалпақ дүниеден де үлкен.Анаға деген махаббаттың құндақта жатқан күннен басталатыны да сондықтан.Ананың жолы басқа.Ана деген сөздердің өзі ыстық.Ана десе толқымайтын жүрек,тасымайтын қан,сезбейтін сезім болуы мүмкін емес! Адамның бойына ана сүтімен бірге сіңген,мыңдаған жылдар бойы сақталып келе жатқан ұлы дәстүр – анаға деген махаббат! Адам тілді анадан үйренеді.Тілді ұрпақтан-ұрпаққа жеткізетін ана.

АНА ДЕГЕН

Ана деген жан ашырың бір сенің,

Ана деген асылың да,арманың да ол сенің.

Ана деген бақытың да,бағың да,

Ана деген ана деген пәк жаралған махаббат

Ана деген жүрегіңнің лүпілі,

Оған жетпес сенің мынау қасиетің.

Білеміз біз,білеміз біз

Ана деген талайлардың арманы!