Эссе "ЭКСПО-2017"

ЭКСПО-2017.

Биылғы жылы Астанамызда ЭКСПО-2017 халықаралық мамандырылған көрме ашылады.Хабардан,теледидардан және өзімнің мектеп ұстаздарымнан осы көрмеге дайындық зор қарқынмен жүріп жатқанын көріп, естіп жүрмін.Онда әр мемлекеттің озық өнертапқыштарымен жасалған бұйымдары жарияланады.Біздің ел де,аймақ та халықаралық көрмеге өз үлесін қосуда.Мысалы, аудан басшылары шет елден келген қонақтарға «Қарқаралы-Сары-Арқаның інжу маржаны» атты туристтік маршрутын енгізді.Мұнда күмбезді Құнанбай қажы мешітімен, аты аңызға айналған «Шәйтанкөлді» таныстыру, сондай-ақ,өзімнің Бүркітті ауылындағы Будда ғибадатханасын тамашалауға мүмкіндіктер қарастырылған.Туған жерімізді әлем елдеріне таныстырады.Қандай тамаша!Туристік даму жолдарын арттыруда бұл маңызды шара .

Мен әрқашанда ауылымның,Қарқаралының сұлулығы,қонақжайлығы туралы үйге келген қонақтарға тамсана айтудан ешқашан жалықпаймын.Қазақ елінің білімді жастары мен өнералды азаматтарының еңбегі жоғары бағаланып,Қазақстан әлем деңгейінде өз орнын табады деп ойлаймын.Қазақтың туынды қолөнері,киіз үйі,сары бауырсағы келген қонақтардың мәңгі есінде қалатынына мен сенімдімін.Себебі,менің отбасымда анам,әкем,ағаларым-бәрі еліміздің жоғары биіктен көрінуін тілейміз.Көп тілеуі «көл» демекші,сол тілектер қабыл болса екен...