1 желтоқсан - Қазақстан Республикасының тұңғыш Президенті күні. Бұл мереке Нұрсұлтан Әбішұлы Назарбаевтың 1991 жылы желтоқсан айының 1-інші жұлдызында өткен сайлауда 98,78% басым дауыспен жеңіп, қазақ елінің тұнғыш президенті атануына орай бекітілген. Дәл осы тарихи сәттен бастап, қазақ жерінде жаңа өзгерістер бастау алды.
  Атап айтқанда, 1992 жылы Нұрсұлтан Әбішұлы Назарбаев "Қазақстанның егеменді мемлекет ретінде қалыптасуы мен даму стратегиясын" әзірлеп, елдің ішкі және сыртқы саясатының бағыт-бағдарын айқындады. Сонымен бірге оның басшылығымен елімізде конституциялық құрылыс үдерісі орын алып, 1995 жылдың тамыз айында өткен референдумда негізгі Ата Заңымыз қабылданды. Нәтижесінде, 1997 жылы тәуелсіз мемлекетімізде өнеркәсіп жанданып, салық жүйелері құрылып, зейнетақы жинақтау жүйесі дүниеге келді. "Қазақстан-2030" стратегиясын құрып, мемлекет дамуының басым бағыттарын анықтады. Елеулі еңбектеріне саясаткер, дипломат, экономист ретіндегі іс-әрекеттерін жатқыза аламыз. Көршілес мемлекеттермен жақсы қарым-қатынасқа, қаржы институттарымен экономикалық ынтымақтасуға жол ашты. Жалпы айтқанда, Нұрсұлтан Әбішұлы Назарбаевтың әрбір бастамалары елге пайдасын тигізетіндей дәрежеде жасалды.
  Өз ойымды қорытындылай келе айтарым, біздің қазір тәуелсіз елде тұруымыз соғысқа қатысып, жеңіске жеткен ата- бабаларымыздың арқасында, ал тәуелсіздігімізді 30 жыл сақтап тұруымызға тұңғыш Елбасымыз, Нұрсұлтан Әбішұлы Назарбаевтың еңбектері негіз болды. 1 желтоқсан- Қазақстан Республикасының тұңғыш Президенті күні құтты болсын!