Эссе: Жаңа ғасыр ұстазы қандай болу керек

Жаңа ғасыр ұстазы қандай болу керек?

Әлем өзгеруде. Заман жаһанданған сайын білім беру үдерісі де өзгермек.Демек,біз,педагогтар,заманауи икем дағдыларға бейімделе отырып, жеке тұлғаның бойына да қажетті дағдыларды, құндылықтарды дарытудың жаңаша сипатын міндетімізге алу керекпіз.

XXI ғасыр мұғалімі қандай болу керек? Білім саласындағы реформалармен бірге бітісе қайнайтын, сүттен бөлініп аққан қаймақ секілді кәсібилілігімен ерекшеленетін, өз ісіне сараптама жүргізетін маман иесі болғаны жөн. Алдымен өзі талдап, кейін сол талдауын дәлелдерге сүйене нақтылайтын, түйінін түйіп, астарына үңілетін адам. Бұлай топшылауыма «Педагогикалық қоғамдастықтағы мұғалім көшбасшылығы», «Жаңартылған білім мазмұны» курстарынан ұққан ілімім, теориям себеп болды. Бір оқу бір оқуды толықтырып, жаңаша ойлауыма, тәжірибемді саралауыма, кемшін тұстарымды анық көруге түрткі болды. Дегенмен жаңалық деп қабылдап жатқанымыздың көбі ғасырлар бұрын біздің қоржынымызда болған...Тек біз оны аңғармадық, аңғарғанымыз тереңіне үңілмедік. Бала түгіл үлкендердің сүйікті фильміне айналған «Менің атым – Қожадағы» Оспанов ағайдың образы қазіргі ұстаз бейнесін ашады. Майқанова апайдай түзу отырғызып тәртіпке бағындырам демей, Қожаға сеніп, болашағынан үлкен үміт күтті. Қазіргі талап та сол - балаға сенім білдіру. Сыни ойлап, сындарлы пікір айтуға жетелеу.

Ұстаздық кәсіби дағдылардың бірі – «оқушы үнін» тыңдай білу. «Оқушы үнінің» белгілі жақтаушысы Джин Радок оқушылардың пікірімен санасып берілетін білім оқу мен оқытуда оң нәтиже көрсететінін дәлелдеген.

21 ғасыр мұғаліміне қажетті дағды-оқу үйлесімділігін(оқу бағдарламасы,педагогикалық тәсіл,бағалау) қисынды жүзеге асыру ұстаз шеберлігін қажет етеді. Ағартушы Ахмет Байтұрсынов: «Ең әуелі мектепке керегі – білімді, методикадан хабардар,оқыта білетін мұғалім»- деген. Ғасырға жуық уақыт өтсе де, Алаш арысының осы сөзі ескірмек емес.

Жаңашыл мұғалімге артар жүк ауыр Қорыта айтқанда, жаңашыл педагог елбасы айтқандай бақылаудың орнына ынталандыратын, мәжбүрлеудің орнына кеңес беретін, қолдау көрсетіп, сенім білдіретін тұлға болуы тиіс. Қай ғасырда болмасын, ұстаз- ұстаз болып қалады, рухани дүниесі өзгермейді.

Кулакова Алтын Женисовна

Қазақ тілі мен әдебиеті пәні мұғалімі