9-а сыныбының қазақ тілі мен әдебиеті

пән мұғалімі Ж.Ж.Атыханованың

«Эссе жазып үйренейік!» жобасы

Бойынша жүргізілген жұмыс есебі .

Қараша айынан бастап мектепішілік « ЭССЕ жазып үйренейік! » атты жобаға сынып оқушыларын қатыстырдым. Ондағы мақсатым : оқушыларымның логика, ойды дәйектеу мен ақпаратты сауатты жеткізу қабілетін дамыту және алдағы мемлекеттік емтиханға дайындық . Жалпы оқушылардың баяндау стилі көбіне ауызша және жазбаша тілінің сауатты болуына ықпал ету.

Сонымен сынып оқушыларының барлығы демесек те , әлеуеті әртүрлі деңгейдегі он беске жуық оқушы эссе жазуға қатысты. Дұрыс жазылатын эссе кәдімгі шығарма жазудан ерекшеленеді. Сондықтан, ең брінші кездескен сәттен бастап осы екі шығармашылық жұмыстың ерекшелігін мысал келтіре түсіндіріп өттім. Қатысқан барлық оқушылар сияқты жиі сөзшең және өз ойын қағазға түсіру қабілетіне ие балалар да шығарманы , соның ішінде эссені бастауда кедергілерге тап болды. Ең бірінші кездескен кедергілер эссені қалай бастаймыз ?Осының өзіне біраз уақыт кетіп қалады, ал бұл шығармашылық жүмыстың үдерісін едәуір тұмандандырады. Сондықтан эссе жазуды бастамас бұрын, идеяны тұжырымдап, мақсатты анықтап, жұмыс үшін ақпарат көздерін тауып алу қажеттілігі туындады. Екі күн көлемінде ( сабақтан соң ) ақпарат көздерін іздестіру жұмыстары жүргізілді. Ал енді кіріспе бөлімді бастадық. Ең бастысы кіріспе бөлімде тоқтап қалмау керек. Алғы сөзді негізгі бөлім жазылғаннан кейін де жазса болады екенін аңғардық , дегенмен бұл жағдайда эссенің не туралы жазылғаны түсінікті болғандықтан, кіріспені де жазу оңайырақ болатынын балаларға бағыттадым. Сондықтан эссені жазуда кіріспе, негізгі бөлімдерді дайындықтан соң( ақпарат көзін тауып, қажеттісін сұрыптап) жазу оңай болды десем қателеспеймін. Енді қорытынды бөлімді жазуда өзімнің бір әдісімді ұсындым. Эссені өз оқырманыңызға сұрақ қоюмен аяқтау. Жоба барысында ең үлкен кедергінің бірі оқушының грамматикалық, стильдік , пунктуациялық сауаттылығы болды. Бұл мен үшін тағы бір жұмысты жоспарлау керектігін көрсетті. Яғни күнделікті сабақтарда оқушының жазу тілінің сауаттылығына ерекше мән бере отырып жұмыс жүргізу .