Менің кәсіби және тұлғалық дамуымның динамикасы

“Ұстаз - мектептің жүрегі”.  Осы сөз арқылы ұстаздық қызметтің бала өміріндегі рөлін айқын білуге болады. Ұстаздық қызмет үлкен жауапкершілік пен ізденімпаздықты талап етеді. Осы жолға түскен әрбір ұстаз үнемі кәсіби және тұлғалық дамуда болуи тиіс деп білемін.

Менің мамандығым - ұстаздық. Яғни, өз шәкірттерімді қазіргі заманғы талапқа сай білімді, жаңашыл етіп тәрбиелеп шығару. Бұл жолда көптеген жұмыстар жүргізіп , үнемі даму үстіндемін. Менің кәсіби дамуымда өзімнен алдыңғы шектегі ұстаздардың сабақтарына еніп, тәжірибелерін бақылап өзіме қажеттісін үнемі алып отыру. Сонымен қатар, өзге мектептерде болып жатқан өз пәнім бойынша өтілетін семинар сабақтарға үнемі қатысу арқылы басқа мектеп ұстаздарымен тәжірибе алмасу.  Қазіргі заман талабы жаңашыл мұғалім болу болғандықтан, ақпараттық-коммуникацияларды үнемі пайдаланып отырамын. Әр түрлі педагогикалық сайттардағы онлайн оқулар мен сайыстарға қатысу арқылы өз кәсіби дамуымды жоғарылатып отырамын. Сонымен қатар, ұстаз тек қана кәсіби тұрғыдан емес тұлғалық дамып отыруы тиіс деп білемін. Тұлғалық  даму мақсатында, өз шәкірттерімнің сабақтан, сыныптан тыс уақытта жұмыс жүргізіп (еркін әңгіме) тұрамын және де әр түрлі психологиялық тренингтерге қатысуды жөн көремін. Тұлға болып қалыптасып, оны дамыта отырып мен өз алдымда өсіп-жетіліп, тәрбиеленіп отырған шәкірттерімді де өз бойында дұрыс тұлғалық қасиеттерді дамытуда кішкене болса да өз үлесімді қосатын боламын. Себебі, бастауыш сынып оқушылары өз ұстаздарын үнемі жоғары бағалап, оларды өзіне үлгі тұтады. Сондықтан да әрбір ұстаз алдымен өзін тәрбиелеп, өзін жан - жақты, яғни кәсіби тұрғыдан, тұлғалық тұрғыдан дамытып отыруы өте орынды деп білемін,

Бізге, ұстаздарға көп жауапкершілік артылады. Әр бір баланың тұлға болып қалыптасуына біз жауаптымыз. Кәсіби де, тұлғалықта дамудың динамикасын жоғары ұстауымыз керек. Кәсіби ұстаз-ең білімді шәкірт. Тұлғалық дамуын қалыптастыратын ең білікті ұстаз болуымыз шарт.