Б.Нысанбаев атындағы орта мектептің

бастауыш сынып мұғалімі

Суюнгалиева А.Т.

Менің курстан алған әсерім

Мемлекетіміздің білім беру үдерісіне енген жаңартылған білім беру бағдарламасы — заман талабына сай келешек ұрпақтың сұранысын қанағаттандыратын тың бағдарлама.

Бастауыш сынып пәндеріне арналған оқу бағдарламаларындағы оқу мақсаттары оқушылардан шынайы проблемаларды анықтап зерттей білуді талап етеді. Негізінен, жаңартылған білім жүйесі құзыреттілікке және сапаға бағытталған бағдарламалардың бірі болып есептеледі.

Бүгінгі таңда үш апта көлемінде оқытылатын «Орта білім мазмұнын жаңарту» тақырыбындағы курстың небәрі бір аптасын ғана аяқтасақ та, біз бұл бағдарламаның маңыздылығын, өміршеңдігін түсіндік. Бастауыш сынып – болашаққа нық қадам жасауда оқушыларды білім жолына жетелейтін басты баспалдақ іспетті. Сондықтан болашаққа дайындықты бастауыштан бастаудың да үлкен рөлі бар.

Жаңартылған білім берудің маңыздылығы – оқушы тұлғасының үйлесімді, қолайлы білім беру ортасын құра отырып, сын тұрғысынан ойлау, зерттеу жұмыстарын жүргізу, тәжірибе жасау, АҚТ-ны қолдану, коммуникативті қарым-қатынасқа түсу, жеке, жұппен, топта жұмыс жасай білу, функционалды сауаттылықты, шығармашылықты қолдана білуді және оны тиімді жүзеге асыру үшін қажетті тиімді оқыту әдіс-тәсілдерді, атап айтқанда, бірлескен оқу, модельдеу, бағалау жүйесі, бағалаудың тиімді стратегияларын қолдануды алға тартады. Біз курс сабақтары барысында аталған әдіс-тәсілдермен танысып, біз, біліктілігін жетілдіруге жиналған мұғалімдер, бір-бірімізге сұрақ қою арқылы әдістердің тиімділігі, оларды орынды қолдану мәселелері туралы түрлі тақырыпта сөз қозғадық.

Сонымен қатар, жаңашылдықтың тағы бір ерекше қыры – бағалау жүйесі. Дәстүрлі бағалау жүйесі түбегейлі өзгеріске ұшырап, критериялық бағалау жүйесіне өтеді. Критериалды бағалау кезінде оқушылардың үлгерімі алдын ала белгіленген критерийлердің нақты жиынтығымен өлшенеді. Оқушылардың пән бойынша үлгерімі екі тәсілмен бағаланады: қалыптастырушы бағалау және жиынтық бағалау. Бұл жүйенің енуі мұғалімдерден үлкен жауапкелшілікті талап етеді. Сондықтан біз курс барысында алған біліміміз бен тәжирибемізді келесі оқу жылында тиімді пайдалануымыз керек.

Кіріктірілген білім беру бағдарламасында қазақ тілі пәнінің берілу жайы да өзгеше. Бағдарлама оқушының төрт тілдік дағдысын: тыңдалым, айтылым, оқылым, жазылым дағдыларын жетілдіруге бағытталған. Бұл төрт дағды оқу жоспарында «Шиыршық әдісімен» орналастырылған және бір –бірімен тығыз байланысты. Яғни, жыл бойына бірнеше рет қайталанып отырады және сынып өскен сайын тілдік мақсат та күрделене түседі.

Оқушыларды заманауи әдіс-тәсілдермен оқытып, ой-өрісі кең, саналы, еркін азамат етіп тәрбиелеу қажеттілігі – бүгінгі күннің басты талабы. Оның үстіне білім берудің жүйесін қарқынды дамытқан бұл үрдістің жалпы білім беретін мектептерге де енгізіле бастауы көңілді қуантады. Курстың маңыздылығы да осында.

Бұл курстан алған біліміміз бен тәжірибеміз болашақта өз жемісін беретіндігіне сенімдімін.