№125 жалпы білім беретін мектеп

8 «В» сынып оқушысы

Чен Хайе

Пән мұғалімі Устемирова Гулзират Оспановна

Тел: +7 775 905 7341; 87028509818

Эссе

«Патриоттық рух-басты құндылық»

Патриоттық рух – бұл өз еліне, туған жеріне деген сүйіспеншілік, отан алдындағы парызды сезіну және оған адал қызмет ету. Менің ойымша, бұл кез келген адамда болуы керек ең басты құндылық. Өйткені патриоттық бізді біріктіреді, ел болып дамуға көмектеседі.

Патриот болу – еліңнің тарихы мен мәдениетін құрметтеу. Ата-бабаларымыз бізге кең даланы аманат етті, оны қорғау үшін ерлік көрсетті. Олардың еңбегін қадірлеу – біздің міндет.Бүгінде патриоттық тек сөзбен емес, нақты іспен де көрінуі керек. Бұл дегеніміз, әрбір адам өз ісінде елге пайда әкелуге тырысуы керек. Мысалы, жақсы оқып, білім алу, болашақта Қазақстанның дамуына үлес қосу – осындай патриоттықтың бір түрі. Ұлттық рухтың оянуы 1986 жылғы қазақ жастарының азаттыққа ұмтылған «Желтоқсан» оқиғасынан басталды деп айтуға болады. Бұл оқиға Кеңес одағының әлсіреуіне, елдің тәуелсіздікке жақындай түсуіне әсер етті. Сол себепті патриотизм туралы айтқанда, «Желтоқсан» оқиғасы да қоса еске алынады.

1986 жылғы «Желтоқсан» оқиғасы қазақ халқының жүрегінде мәңгілікке сақталды.

«Желтоқсан» оқиғасы біздің халқымыздың батылдығын, тәуелсіздікке деген мықты ниетін көрсетті. Кеңес одағының күштілігіне қарамастан, қазақ жастары өз құқықтарын қорғауға тырысты. Олар күшті империяның алдында тайсалмай, ұлт намысын биік қойды. Осы ерліктері арқылы жастарымыз бүкіл халыққа үміт сыйлады.

Кейінірек бұл оқиға Кеңес одағының әлсіреуіне, ал еліміздің тәуелсіздікке бір қадам жақындауына әсер етті. Сол себепті де біз үшін патриотизм мен «Желтоқсан» оқиғасы қатар айтылады. Себебі дәл осы оқиға арқылы көптеген адам ұлттық рухтың қаншалықты маңызды екенін түсінді.

Бүгін біз өзімізді еркін елде, тәуелсіз мемлекетте сезінеміз, бірақ ол үшін қаншама адам күресті, батыл қадамдарға барды. Солардың ішінде «Желтоқсан» жастарының орны ерекше. Осы себепті біз олардың ерліктерін ешқашан ұмытпауымыз керек. «Желтоқсан» – бұл біздің тарихымыз, біздің ұлттық рухымыздың бастауы.