Қазақ әдебиетінің жарық жұлдызы

Ақын болу үшін дүниені жан-тәніңмен құлай сүю керек. Сол кезде ғана өмір сізге құшағын жайып, тылсым тіршіліктің талай құпиясы ашылады. Дүниені,адамзатты сүю арқылы адамның жүрегінде өлең оты тұтанып,барша адамдарды өлеңнің мөлдір бұлағымен қандыруға деген ынтасы оянады. Ал,осылай өзінің керемет туындыларымен қазақ әдебиетінің алтын төрін иеленіп,адамның шөлін қандырар өлеңдер иелері,ақиық қазақ ақындары өте көп.Солардың бірі-Төлеген Айбергенов. Дүниеге ынтызарлығыңды тірілтіп, өмірге құштарлығыңды оятатын ақын жырларының әр жолынан Төлеген Айбергеновтің мейірімділігін сезінесің және өлеңдері ерекше бір сезімге баурайды.

Бұдан өзгеше,Төлеген Айбергеновтың поэзиясында ерекше бір қуат бар. Ол басқа түскен қайғыға мойымайтын, қайта онымен тірескенде бел омыртқасын сындырып жіберетін-күрескерлік қуат. Ол адамды жеңіп, жігерін құм қылғысы келетін қасіретпен арпалысып, қолын қайырып, мойнын бұрап тастайтын-батырлық қуат.Сағыныш жоқ жерде махабаттың да, бақтың да, адалдықтың да болмайтынын ақынның "Сағыныш" атты өлеңіндегі философиялық ойдың өзі,бір жырдың өзіне Төлеген Айбергеновтің қаншама адамның сана-сезіміне әсер етер ойларды сыйғызатынына,поэзиясында қуаттың бар екеніне бірден-бір дәлел болып табылады.Адамдардың бәрін солай сағынышымен аялағысы келіп тұратын және соған қалтқысыз сендіре алатын қасиет қазақ поэзиясында тек Төлеген Айбергеновте ғана бар.Бірақ,отызға да толмай апат болған ақнның дәм-тұзының ерте таусылғанына әттең-ай деп қаласың.Не дегенмен, қайғыдан басын мұнар шалған өлеңдерді ақыннан мүлде кездестірмейміз,себебі оның поэзиясы-жасампаздықтың жыры.

Қорытындылай келе.қамшының сабындай қысқа ғұмыр сүргеніне қарамастан Төлеген Айбергеновтің артында мәңгі өлмейтін жырлары қалды.Жырларынан жауды жеңіп келген батырдың көңіл-күйіндей шаттық пен қуаныштың самалы соғатын туындылары әрдайым біздің қазақ әдебиеті төңірегінен табыла берсін!