Эстафета "Әке, ана және мен - спорттық жанұя"

Білім беру саласы: Спорттық мерекесі

Тақырыбы: «Әке, ана және мен – спорттық жанұя»

Мақсаты: Спорттық ойындардағы отбасының ерекше орнын көрсете білу.

Балалардың дене шынықтыруға деген қызығушылығын арттыру.

Ойын барысында шапшандыққа, төзімділікке және жас ұрпақты

салауатты өмір салтына тәрбиелеу.

Өтілетін орны: Спорт зал.

Қолданатын құралдар: Музыка, доптар, кедергілер (2 дана), секірткіштер,

құрсаулар, әуе шары, қапшық (2 дана).

Өту барысы.

Ұйымдастыру кезені.

Гимн.

Жүргізуші: Құрметті ата-ананлар мен көрермендер!

Салауатты өмір салтын сақтау мақсатында балабақшамыздың

отбасылар арасындағы спорттық сайысы өткелі тұр

«Әке, ана және мен – спорттық жанұя» эстафеталық ойынға

қатысушы отбасыларын ортаға шақырып, таныстырып өтейін.

Бірінші топ: «Балбөбек» - ұраны «Зымран»

Екінші топ: «Айгөлек» - ұраны «Жұлдыз»

Жүргізуші: Біздің жетістіктерімізді бағалайтын әділқазылар алқасымен

таныстыруға рұқсат етіңіздер!

Сейдалиева Ләззат Даулетовна - балабақша меңгерушісі.

1. Абаева Айнур Сайпқызы – балабақша әдіскері.

2. Құрманова Бахым Кенесқызы – медбике

Дене қыздыру жаттығулары.

Бір қатарға сапқа тұрғызу. Жаттығуларды орындайды.

1. Жай, жеңіл жүгіру, бір-бірінің соңынан.

2. Жүру – аяқтың ұшымен, өкшемен, бір қырымен (қолды белге қоямыз)

3. Секіру – алға қарай жылжып секіру.

4. Тыныс алу жаттығулары.

Жүргізуші: Ойнайық, ойнайық та, ойлайық!

Күшімізді көрсетейік, сынайық!

Жеңсең де, жеңбесең де, ренжусіз болайық,

Қаймықпай, көңілді болып тарайық!

Бүгінгі спорттық сайыс сегіз тапсырмадан тұрады.

Қызықтыру сәті: Дәрігер келеді.

Жүргізуші: Ал, сайысымызды бастайық!

1. «Заттардың арасымен жүгіру» сайысы.

Сайыстың балын көрсету.

2. «Қаппен секіру» сайысы.

Сайыстың балын көрсету.

3. «Кішкентай күшіктер» әкесі мен анасы үлкен қадаммен жүреді, ал баласы қадамдар арасымен жыланша өтеді. Әкесі баланы арқасына салып әкетеді.

Сайыстың балын көрсету.

4. «Аналар секіргіштермен секіреді»

«Әкелер доппен секіреді»

«Балалар құрсаудан құрсауға секіреді»

5. «Құрсаудың ішіне жүгіру» әкелерге арналған сайыс.

«Құрсауды айналып өту» аналарға арналған сайыс.

Сайыстың балын көрсету.

6. «Әуе шары» сайысы

Сайыстың балын көрсету.

7. «Кім күшті» әкелерге арналған сайыс.

Сайыстын балын көрсету.

8. «Бақалар» сайысы.

Сайыстын балын көрсету.

Жүргізуші: Сайысымыздың жеңімпаздарын анықтайтын уақыт келіп жетті.

Олай болса, әділқазылар алқасына сөз беріледі.

Жүргізуші: Құрметті ата-аналар және балалар! Денсаулықтын кепілі – салауаттылық,

«Әке, ана және мен – спорттық жанұя» атты жанұялық эстафеталық сайысы осымен аяқталды.

Белсенділік танытып сайысқа қатысқандарыңыз үшін көп рахмет!

Әрқашан спортпен шұғылданыңыздар, сонда сіздер жүйрік, епті, алғыр бола аласыздар.

Бүгінгі жеңістеріңізбен құттықтаймын!

Баршаларыңызға денсаулық тілейміз. Осымен сайысымыз аяқталды.

Келесі кездескенше, сау болыңыздар!