«Талас ауданы қаратау қаласы әкімі аппаратының

«Бәйтерек» бөбекжай бақшасы» мемлекеттік коммуналдық

қазыналық кәсіпорны

«Толағай»

Отбасылық спорттық жарыс

Дене тәрбие нұсқаушысы: Г.С.Андосова

Қаратау қаласы

Тақырыбы: «Толағай» отбасылық жарыс

Мақсаты: Ата-аналар мен балалары арасындағы қарым-қатынасты нығайту. Ата –ананың баланың балабақшадағы өміріне белсенді қатысуына ықпал ету. Ойын барысында шапшаңдыққа, төзімділікке, ептілікке және жаны таза ұрпақты салауатты өмір салтына тәрбиелеу.

Құрал – жабдықтар: шарлар, шелектер, су, алмалар, арқан, доптар, белгілер, ысқырық, музыка әуені, жемістер, құрсаулар, қарындаштар.

Полибилингвизм: шегіртке-кузнечик-grasshopper

cекіру-прыгать-jymp

Жеке жұмыс: Арсенмен жұмыс

Өтетін орыны: спорт зал.

Жүргізуші: Шынықсан шымыр боласың,

Сауығып айдай толасың.

Спортты серік ете біл,

Жақсы азамат боласың!

Жеңімпаз болу оңай ма,

Арман болған талайға.

Болмасан да ұқсап бақ,

Жарысқа түсіп қалайда.

Құрметті ата-аналар мен көрермендер! «Денсаулық құпияларының бірі-спорт» дегендей бүгінгі өткізгелі жатқан «Толағай» отбасылар сайысына қош келдіңіздер!

Әр таңды бақытпен атырамыз,

Өнерлі ой көгінде бақылаңыз.

Сайысқа қатысуға енді міне,

Ортаға отбасын шақырамыз.

1-ші топ: «Күншуақ» анасы Науанова Гүлзат, ағасы Махмұт Мұқағали,Сәбит Темірлан, Бейсенбай Нұрасыл

2-ші топ: «Жалын» анасы Сапақова Гүлбахар, Қасым Әбдімүслім, Қанатбек Дархан, Сапақов Халид

Сайысымызды бастамасмас бұрын әділ-қазылар алқасымен таныстырайын:

1. Сейдалиева Ляззат Дәулетқызы – балабақша меңгерушісі

2. Абаева Айнур Сайыпқызы– балабақша әдіскері

3. Жұмағұлова Зинура – балабақша медбикесі

Жүргізуші:
Таза ауа, спорт болсын дәріміз,

Еңбек етіп келгенінше әліміз.

«Алға» деген бір-ақ мақсат ұстанып,

Сайысқа аттанайық бәріміз!

Сайыстың бағдарламасымен таныстырайын. Бүгінгі спорттық сайыс 8 турдан тұрады. Ал, енді топтарды ортаға шақырып, дене қыздыру жаттығуларын жасайық: жүру, жүгіру, аяқтың ұшымен, өкшемен, қырымен, үйрекше жүру.

1. «Мұртты кенгуру» сайысы

Шарты: Бала қарындашты мұрнына қысып, жартылай жүріп отырып екінші жаққа келіп берілген есепті шығарады. Қайтарда жүгіріп барады да, келесі балаға береді. Сонан соң ата-анаңа жалғастырады.

2. «Пингвиндер» сайысы

Шарты: Допты аяққа қысып алып, жерге құлатпай пингвиндер жүрісімен жүріп, мәре сызығына келгенде инструкторлардың алақанынан ұрып, қайтар жолда жүгіріп кетеді.

Жүргізуші: Ат өнері білінбес,

Бәйгеге түсіп жарыспай .

Ер өнері білінбес,

Қоян – қолтық алыспай, -деп әрі қарай жалғастырайық.

3. «Қаңбақ шар»

Шарты: Шарды баспен ұрып мәре сызығына жетіп, жүргізушінің ұрып, алақанынан қайтар жолда жүгіріп кету керек.

4. «Логикалық сұрақтар»

Шарты: Берілген логикалык сұрақтарға дұрыс жауап беру.

1.Суға қай кезде қолды кесіп алуға болады?

Жауабы: егер оны мұз етіп қатырса.

2.Ағаштың бұтағында 7 торғай отырды. Аңшы біреуін атып тастаған соң, неше торғай қалады?

Жауабы:Аңшы бір торғайды атып өлтіреді, ал қалғаны мылтық даусынан шошып ұшып кетеді, сондықтан ағашта ешбір торғай қалмайды.

3.Допты лақтырғанда , доп сол ізімен қайту үшін оны қалай лақтыру керек ?

Жауабы: жоғары

5. «Шегіртке» сайысы

Шарты: Әр топтың алдында екі-екіден құрсау қойылады. Бірінші ата-аналар бастайды. Құрсаудан – құрсауға алға қарай жылжи секіру. Қайтарда жүгіріп қайтады. Келесі эстафетаны балаларға береді .

Жүргізуші: Бала қарындашты мұрнына қысып, жартылай отырып жүріп отырып екінші жаққа келіп берілген есепті шығарады. Қайтарда жүгіріп барады да әкесінің алақанынан ұрып келесі эстафетаны әкесіне береді. Сонан соң әкесі қайталайды.

Жүргізуші:

Өнерсіздік зор айып,

Ән мен биге басайық.

Арасында тағы бір,

Бимен шашу шашайық.

«Бәйтерек» бөбекжай бақшасының бүлдіршіндерінің орындауында «Жалқаубек» биін қабыл алыңыздар.

Жүргізуші: Көп, көп рахмет биші балаларға.

Өнер қуып балалар өтер дейміз,

Бір басына өнері жетер дейміз.

Сайысқа келген топтарға келесі,

Тапсырманы тыңда дейміз.

6. «Егін егу, егін жинау» сайысы

Шарты: Ата-анасы егін егіп кетеді, балалар жинайды. Бір ана – бір бала, бір әке-бір бала.

Жүргізуші:

Қалма жұрттың соңында,

Қажет болса мың атта.

Аздық етер оның да,

Жету үшін мақсатқа, - деп, кезекті келесі сайысымызға берейік.

7. «Алманы ұстап ал» сайысы

Шарты: Сайыс ата-аналарға арналған, яғни (команда капитандары әкелерге) алдарыңызға бір-бір шелек су қойылады, оның ішіне бір алма тасталады. Белгі бойынша сол алманы ауызбен судан тістеп алып шығу керек, қолды артқа немесе шелекті ұстап тұруға болады.

Жүргізуші:

Топ бастап жүрейік,

Ойнайық та, күлейік.

Достық деген тамаша,

Міне тұрамыз жараса.

Сайысымызда қазақтың ұлттық ойынын ойнамасқа болмайды. Екі топ та бірге қатысады.

8. «Арқан тартыс» сайысы

Шарты: Белгі бойынша бір сызықтан аспау, арқанның екі шетінен ұстап тарту, қай топ күшті екенін көрейік. Қалыспа, дайындал, алға!

Жүргізуші:

Ал, енді әділ-қазылар алқасы жалпы ұпайларды есептеп боғанша, барлық балаларды ортаға шақырып «Флеш моб» биін билейік.

Жүргізуші:

Жарыс заңы ежелден,

Еңбектену жалықпау,

Жеңімпазды анықтау.

Біреу озса сайыста,

Жеңімпаз болу шарты сол.

Біреу артта қалады,

Жеңілгендер ренжімей.

Тараса бізге жарады!

Жүргізуші:

Денсаулықтың кепілі – салауаттылық. «Толағай» отбасылар сайысы осымен аяқталды. Белсеңділік танытып сайысқа қатысқандарыңыз үшін көп рахмет. Бүгінгі жеңістеріңізбен құттықтаймын. Баршаларыңызға денсаулық тілеймін. Осымен сайысымыз аяқталды. Келесі кездескенше сау болыңыздар!