Сыныбы: 2

Сабақ тақырыбы: Етістік туралы түсінік

Сабақтың мақсаты:

Оқушылардың сөз табы туралы білімдері жетілдіріледі. Етістік туралы түсінік алады. Етістіктің сұрақтарын біледі. Сөйлем ішінен етістікті тауып сұрақ қоюды, етістікті қатыстырып сөйлем құрауды үйренеді.

Әдіс тәсілдер

Сұрақ - жауап, түсіндіру, әңгімелесу, оқу, талдау, тіл дамыту, шығармашылық – ізденушілік әдістері.

Күтілетін нәтиже

Етістік туралы білімдері қалыптасады. Топпен жұмыс жасайды, бірін - бірі оқытады, ойларын еркін жеткізеді, дәлелдейді.

Уақ

Мұғалім іс-әрекеті

Оқушы іс-әрекеті

Ресурстар, көрнекі құралдар

2 мин

Ұйымдастыру кезеңі.

Психологиялық ахуал.

Бір – бірімен қимылдар арқылы амандасады. (жымию, қол бұлғау, құшақтау, беттен сүю, т.б )

3 минут

Қызығушылықты ояту.

-Балалар, күнделікті өмірде біз сан қилы әрекеттер жасаймыз. Яғни, қимыл - қозғалыссыз өмір сүре алмаймыз. Тіптен оны елестету де мүмкін емес шығар. Өздерің ойланып көріңдерші. Табиғатта ешбір қимыл – қозғалыс жоқ !

-Бұдан біз нені елестете аламыз ?

- Ендеше балалар мына суреттерге назар аударыңдаршы. (Әлемді шарлау)

- Балалар, мен қай сөз табы жайлы айтып тұрмын ?

- Етістік жайлы тереңірек білу мақсатында біз түрлі тапсырмалар орындап, өзіміз осы сұраққа жауап беріп көрейік.

Оқушылар жауаптары тыңдалады:

-Табиғаттың тоқтап қалғанын елестетеміз.

- Әлемдегі барлық заттар қимыл үстінде.

- Етістік жайлы айтылды.

Слайд

5 мин

Өткенге шолу. «Білгір карта» ойыны арқылы сұрақтарға жауап береді:

- Неше сөз табы бар ?

- Қандай сөз таптарын білесіңдер ?

- Зат есім деген не ?

- Зат есімнің сұрақтары қандай ?

- Жалқы есім деген не ?

- Жалпы есім деген не ?

- Зат есімнің көпше түрі қалай жасалады ?

Топ басшылары картаны таратады. Сұрағы барлар картаны ортаға тастайды. Жауабы барлар сұрақтың үстіне жауабын салады. Осылайша ойын жалғасады.

Сұрақ жазылған қима карталар

2 мин

Үй тапсырмасын тексеру.

Оқушылар «Менің оқу құралдарым» тақырыбына жазған әңгімелерін оқып береді. Дәптерлерін ауыстырады.

Дәптер

5мин

Оқулықпен жұмыс.

354 – жаттығу.

Суретке қарап, балалардың, әженің не істеп жатқанын білдіретін қимыл атауларын айтады. Ол сөздерге сұрақ қояды. Етістік екенін дәлелдейді.

Оқулық, сурет

4 мин

Топтық жұмыс. Жұмбақтарды оқып, шешуін тап. Етістіктерді тауып, сұрақ қой.

І топ: Жазда қыдырады, қыста тынығады. (су)

ІІ топ: Таңмен көзін ашады,

Әлемге нұрын шашады.

(күн)

Жұмбақ

3 минут

Сергіту сәті. «Түсін мені» ойынын ойнау.

Екі топ бір – біріне әртүрлі қимылдар жасырады. Қарсы топ ненің қимылы екенін табады. (аңдар, құстар, адам қимылы т.б.)

5 минут

Дәптермен жұмыс. 356 – жаттығу.

Көп нүктенің орнына тиісті сөздерді қойып жазады.

Тоғайда түрлі аңдар .... . Терең шатқалға қояндар .... . Қызыл түлкілер тоғайда .... . Тиіндер ағаштан ағашқа .... .

Керекті сөздер: жүреді, жасырынады, болады, секіреді.

Оқулық, дәптер

5мин

Шығармашылық жұмыс. Берілген етістіктерді қатыстырып, сөйлемдер құра.

І топ: қонды, жауды, тасыды, жүзді.

ІІ топ: жарысты, құттықтады, биледі, пісірді.

А4 парағы, маркер

5 м

Өздік жұмыс. Берілген сөздердің ішінен етістікті тауып, етістік екенін дәлелде.

Көгершін, жасыл, жинады, айтты, алыс, сөйлесті, ертең, байлады.

Оқулық, дәптер.

2 мин

Үйге тапсырма.

359 – жаттығу, 137 – бет. Ереже жаттау.

Күнделік

2 м

Сабақты қорыту:
- Сонымен етістік деген не ?
- Оның сұрақтары қандай ?

Ережесін еске түсіріп, мысалдар келтіреді.

Таблица, оқулық

2 мин

Бағалау

Оқушылар топтың жұмысын басбармақ арқылы, өздерін жинаған күлегештері арқылы, сабақты от шашу арқылы бағалайды.

Күлегештер