Құқық мәдениеті

( Аптасына 1 рет. Барлығы-34 сағат)

Түсінік хат

Құқық мәдениеті курсы оқушыларға мемлекет және құқық мәселелерін жаңаша, осы заман талаптары тұрғысынан түсінуіне бағыт көрсетіп, жөн сілтейді. Курс екі бөлімнен тұрады. Бірінші бөлімінде құқықтың түсінігі, оның ерекшеліктері жөнінде айтылған, құқық дегеннің не екендігіне, оның қоғамдағы қызметіне талдау жасалған. Екінші бөлімде қазіргі қоғамдағы саяси мәселелердің мәнін түсінуге көмектеседі.

Құқық мәдениеті бойынша дайындалған бағдарламаның өзектілігі жас ұрпақтың жеке адам ретінде қалыптасуына, өзінің жеке тарихи түп-тамырын терең түсіне білуіне, тұрмыстық, алуан түрлі моральдық адамгершілік мәселелерін шеше білуіне көмектеседі. Қылмыстылықтың өршiп, азаматтардың әлеуметтiк қорғалуының деңгейi төмендеген кезде азаматтарға олардың құқықтарын түсiндiру, олардың мүмкiндiктердiн айқындаудың маңызы өте зор. Қазақстандық қоғамдағы құқықтық мәдениет деңгейiн қарастыра отырып, азаматтардың құқықтары мен бостандықтарын насихаттауға бағытталған ұлттық идеяның қажеттiлiгiн айта кету қажет.

Жалпы орта білім беретін мектептердің оқушыларға арнайы дайындалған курстық бағдарламада қамтылатын негізгі білім беру мазмұнының нысанында оқушылардың заң алдындағы жауаптылық, құқықтық мемлекеттің азаматы ретінде жоғарғы адамгершілік сипатын қалыптастыру, Қазақстан Республикасының Конституциясында көрсетілген негізгі құқықтар мен бостандықтарды жіктеу, жеке адамның құқықтары мен бостандықтары және де құқық бұзушылықтың алдын алуға байланысты қазіргі қоғамдағы негізгі мәселелер қарастырылған.

Бұл бағдарламаның басты ерекшелігі – оқушылар құқықтық мәдениет туралы жалпылама мәліметтер алады. Оқушыларға заң алдында да және жеке адам ретінде де жауапкершілікті сезіне білуге үйретеді.

Курстың мақсаты:

Қазақстан Республикасының белсенді білікті азаматтарын тәрбиелеу. Оқушыларға оқулық мазмұнын терең меңгерту. Құқық және мемлекет туралы түсініктерін қалыптастыру, заң алдындағы жауапкершілікке үйрету, қосымша әдебиеттермен өздігінен жұмыс істеуіне ынталандыру.

Күтілетін нәтиже:

Курстың мазмұны мен логикасы, білім игеру сипаты оқушыларды өздігінен және шығармашылықпен ойлау, талдау, салыстыру, қорытынды жасау қабілетін дамытады. Қазақстан Республикасының құқықтық жүйесін білуге үйретеді.

Құқықтық мәдениет тұлғаның құқық туралы ой-пікірлері, сезімдері мен пайымдаулары және де саналы түрдегі қажеттіліктері. Осы қажеттіліктер тұлғаның жүріс-тұрысынан көрініс табатындығын түсінеді.

Пайдаланылған әдебиеттер тізімі

1. Сапарғалиев Ғ.С., Ибраева А.С. Мемлекет және құқық теориясы. Алматы, 1998ж

1. Баянов Е., “Мемлекет және құқық негіздері” Алматы,“Жеті жарғы”, 2001ж

2. Ағдарбеков Т. “Құқық және мемлекет теориясы”, 2002ж

3. Мұхтарова А.К. Шетелдердің мемлекет және құқық тарихы. Алматы, 2005ж

4. Қазақстан Республикасының Конституциясы. Алматы, 1999ж

5. Жамбылов Д. Саясаттану. Алматы, 2005ж

6. Гаджиев К.С. Политическая наука. М., 1994ж