факультативтік сабақ "Тәкаппарлық"

Сабақтың тақырыбы: Тәкаппарлық Сабақтың мақсаты: Ы.Алтынсарин өмірі, қызметі, шығармаларында қандай мақсатты көздеп жазғанын білу, шығармаларынан ғибадат алу, ұстаздық жолы, өмірі, қызметі жайлы оқып, таныса отырып, рухани жағынан өнегелі, отансүйгіш, елжанды азамат ретінде тәрбиелену. Сабақтың міндеттері: Ы.Алтынсарин өмірімен, орыс достарына жазған хаттарымен танысу; деректер жинақтау; шығармаларын оқу, жаттау; хрестоматия жайлы білу; Ыбырай мектебінен шыққан білімді, дарындыларды зерттеу; Күтілетін нәтиже: Барлық оқушылар: Берілген тақырыпты ашып, әңгімелеп айтады, негізгі ойды ашады. Көптеген оқушылар: шығармашылыққа негізделген тапсырмаларды орындайды. Кейбір оқушылар: берілген тақырып бойынша ой қорыту жасай алады. Пәнаралық байланыстар:
Сабақтың жоспарлан-ған кезеңдері	Сабақтағы оқушылардың қызметі	Ресурстар
Сабақтың басы 10 минут	Ұйымдастыру кезеңі «Паравоз» ойыны. Мақсаты: ұжымда бір –бірімен жағымды қатынас қалыптастыру, көңіл – күйлерін көтеру. Нұсқау: Балалар бір қатарға тұрып реттік санымен 1,2-ге саналады. Екі топқа бөлініп, бірінші топ қолдарын бір рет шапалақтап, оң аяқтарын екі рет жерге қағады. Ал екінші топ қолдарын екі рет шапалақтап, оң аяқтарын бір рет жерге қағады. Осылайша ойын жалғасады, шатасқан ойыншы өз өнерін ортаға шығып көрсетеді.

Сергіту сәті

Сабақтың ортасы 20 минут	Вениямин Франклин деген даңқты білім иесі, Америка жұртының кісісі, он сегіздегі жас күнінде, Медера деген қаланың бір қарт адамына қонақ болып, шығар уақытта қарт ішкергі бір есіктен шығарып салуға алып келіпті. Франклин бұл кісіге сөйлесе келе жатып, алдында не барын аңғармай, есікке жақындағанда қарт дауыстапты: Еңкей, енкей – деп. Сүйдегенше болмай, есік аласа екен, маңдайшасына Франклин маңдайымен тарс ете түсіпті. Сонда қарт күліп айтты дейді: Бұл кішкентай реніш сізге екіншіде ақыл болар; ұмытпағайсың, сен жассың, өмірің алдыңда, басыңды тым жоғары ұстамай, төмен иіңкіреп жүрсең, мұнанда артық неше соққылардан құтыларсың. Бұл сөзді Франклин сексен жасқа келгенше ұмытпай, әрдайым айтушы еді: Сол қарттың ақылы маған көп пайда болды; және көзіммен көрдім: басын жоғары көтерген тәкаппарлардың нешеуінің, әлек болғанын – деп.
Сабақтың соңы 10 минут	«Арал» әдісі Үлкен парақта эмоционалды «аралдар» бейнеленген карта салынады: қуаныш, мұң, аң-таң, ләззаттану, жадырау, күту, алаңдау, шабыт, рахат, белгісіздік аралы, т.б. Аралдар картасы тақтаға ілінеді. Оқушылар тақтаның алдына шығып маркермен (фломастермен) оның сабақтан кейін немесе күннің, аптаның соңында эмоциялықсезімдік жағдайын көрсететін кемесін картаға іледі немесе суреттейді.