Туған тілім

Тұғыры аласармас туған тілім,

Туған тілім – көктегі қыран үнім.

Туған тілім – шуағын шашқан күнім,

Туған тілім – қауызын жарған гүлім.

Тілім менің – тірегім тайсалмаған,

Тілім менің – жүрегім кір шалмаған.

Бабалардан ұрпаққа аманат боп,

Ғасырдан ғасырларға үн жалғаған.

Тіл арқылы жеттік біз тектілікке,

Тіл арқылы үйрендік ептілікке.

Тіл арқылы жеңіп біз жамандықты,

Тіл арқылы тіледік амандықты.

Тілім менің – ұлағатым, өсиетім,

Арқалаған замана өсиетін.

Тілім менің – қастерлі қасиетім,

Қасиетім – мәңгілік бас иетін.

авторы: Эльмира Габитова Ерлановна