Ғафу Қайырбеков - дара тұлға

Ғафу Қайырбеков терең тамырлы тұлға ретінде танылған ұлы ақын. Ақынның өмірлік жолында жазылған туындыларын оқи отырып, өзіме ой түйдім. Ақынның ғұмыры сан қырлы тағдырмен байланысты болған. Қыл қаламнан шыққан туындылары жарық көрген сәттен өз оқырмандарын тапты. Дара жолының әдемі көріністері өлең жолдарында өзінше бір сыр шертіп, жүрегіңді жаулап алары хақ. Әр шығармасын оқи отырып,өзіңе ой түйесің, сабақ аласың. Жақсылықтың лебі ескен шығармалары әр қазақтың көңілінен шыққан. Ғафу Қайырбеков туралы айтылған естеліктер,пікірлерді оқыған сәтімде, қарапайымдылығы, тарихи тұлға ретінде өзін таныта білгені қатты ұнады. Ақынның 95 жылдық мерейтой қарсаңында құралақан қалмайын деп, ақындыққа жақындығымды білдіртейін деп, «Болмасаң да ұқсап бақ , бір ғалымды көрсеңіз»-деп Абай атамыз айтқаны есіме түсіп, осы бір өлең жолдарын Ғафу атамыздың мерейтойына шашу ретінде жариялағым келді.

Ғафу Қайырбеков -95-ке келгенде...

Жыр толқып, көңілімде аласұрған

Жыр арнап бір өзіңе қалам алғам.

Алашта айбыны асқан Ғафу атам
Жырымен сусындатқан ақын атам.

Ғафу -жыр, Ғафу-сыр, ол бір әлем,

Жүректің сырын қозғар жаңа әуен.

Мерейтой 95 -ке келген кезде,

Қалайша үнсіз қалам мен бір балаң.

Жарқ еткен шоқ жұлдыздың қатарында,

Биік шың бағындырған өлең-жырда,

Сізбенен мақтанатын әр қазақта

Әр үйден табылатын кітабыңда.

Жырыңды жаттап өстім бала күннен,

Есімің жатталған еді сол бір кезден.

Жыр дүлдүлі мен үшін Ғафу атам,

Жырың Ұлы, жүректе мәңгі қалған.

Астана қаласы

Ғафу Қайырбеков атындағы

№2 мектеп-гимназиясының

қазақ тілі мен әдебиеті пәндерінің

мұғалімі Қасымғалиқызы Лаура