«Ғажайып әлемде ерекше танысу»

Тренинг: «Ғажайып әлемде ерекше танысу»

Мақсаты:Педагогтардың өз-өзіне деген сенімділігін арттыру. Бірін-бірі жақынырақ білуге көмектесу және қысылу сезімін жеңуіне ықпал ету.

Нұсқау: Тренинге қатысушылар көңілді шеңбер құрып тұрады да психологтың ғажайып әңгімесін тындап, сағат соғысы бойынша танысып, амандасады.

Қайырлы күн! Құрметті әріптестер!Барлығыңызды тренингке ұйымшылдықпен қатысуға ортаға шақырамын.Көз алдарына елестетіндер, қазір біздер белгісіз бір ғажайып қаладағы үлкен алаңда жүрміз деп. Бұл алаң өте әдемі, әрі үлкен. Бұл алаңда биік, таңғажайып мұнара бар екен. Мұнараныңүстінде үлкен сағат бар.Бұл сағат жай сағат емес, өте қызық, таңғажайып сағат. Егер сағат бір рет соқса,бұл алаңда адамдар бір - бірінің қасына барып, өз атарын айтып, европалықтар сияқты амандасады екен. Егер сағат екі рет соқса, онда япондықтар сияқты амандасып, танысады. Ал, егер сағат үш рет соқса, онда жабайы тайпалардағы адамдар сияқты танысып, амандасады екен. Бірақ, сағат соққан кезде адамдар барлығымен амандасып, танысып шығулары керек. Олай болса,қазір барлығымыз қалада қыдырып жүреміз де, сағаттың соғысын бақылаймыз.

Тренинг:«Жақсы көңіл-күй»

Мақсаты: Педагогтардың эмоциялық көңіл-күйлерін көтеру.

Көрнекілік құралдар: стакан, айна, қағаз майлықтар.

Психолог: Құрметті әріптестер менің қолымда мынадай әдемі, ғажайып стакан бар. Қазір барлығымыз осы шыныны жақсы тілектермен толтыру керекпіз.Яғни шыныға қарап «Мен сізге..... бақыт, шығармашылық табыс тілеймін» т.с.с. тілектер айтып толтырамыз. Шыны айналып психологқа қайта келеді.

Біздің шынымыз жақсы сөздерге, тілектерге толды. Бірақ, ол сөздер кімдерге айтылғаның білмейміз. Білгілерін келеме? Олай болса шыныны қайта барлығымыз қарап шығамыз. Иә, құрметті әріптестер бұл тілектерді біздер өздерімізге айттық.Осы тілектердің барлығы да, осы оқу жылында орындалады деп ойлаймын.

Қорытынды: Адам өмірде екі нәрсемен қартаймайды, біріншісі қайырымды ісі, екіншісі-жүректен шыққан жылы сөзі. Әрқашанда бір-бірімізге жылы сөздер айтып, бір-бірімізге қайырымды болайық. Әр бір істеген жақсылығы -мыздан алар әсеріміз көңіл күйімізді көтерері анық.