ЖЕТІСАЙ АУДАНЫ АДАМИ ӘЛЕУЕТТІ БӨЛІМІ

БАЛАЛАР МЕН ЖАСӨСПІРІМДЕР ШЫҒАРМАШЫЛЫҚ ОРТАЛЫҒЫ

Ашық сабақтың тақырыбы: «Ғажайып математика»

Үйірме атауы: «Зерделі бала»

Үйірме жетекшісі: Нұржаева С.У.

Жетісай 2025ж.

Үйірме атауы: «Зерделі бала» Тобы: IІI Сабақтың мерзімі: 15.01.2025ж Ашық сабақтың тақырыбы: «Ғажайып математика» Сабақтың мақсаты:

Білімділігі: Үйірме мүшелерінің математикалық білім қабілеттерін тексеру, алған білімдерін пысықтау.

Дамытушылығы: Мұндағы өлең-есептер, логикалық есептерді шешу арқылы функционалдық сауаттылықтарын, ойлау қабілеттерін дамыту.

Тәрбиелілігі: Пәнге қызығушылығын арттыру. Үйірме мүшелерінің өз ойын еркін айта білуге қалыптастыру. Жақсы қасиеттерді бойына сіңіріп, адамгершілікке, мейірімділікке тәрбиелеу.

Сабақтың түрі: ашық сабақ
Сабақтың әдіс-тәсілі: Сұрақ-жауап, көрнекілік, ізденушілік ойын, ғажайып қоржын
Көрнекілігі: Тақырып, сурет үлгілері, нақыл сөздер.
Сабақ барысы:  I. Ұйымдастыру кезеңі:
Үйірме мүшелерімен сәлемдесіп,оларды түгелдеп, тыныштық сақтап, тәртіппен отырғызу. Үйірме мүшелерінің зейінін сабаққа аудару.

II. Психологиялық дайындық:
Сабағымыз басталды,
Қосамыз да аламыз,
Көбейтеміз, бөлеміз
Математиканы білеміз,
Сондықтан да сүйеміз.
Балалар, сендер қандай оқушыларсыңдар?
- Мен жақсы оқушымен, өйткені сабақты жақсы оқимын.
- Мен жақсы оқушымын, өйткені мұғалімді тыңдаймын, және т. б.
- Балалар, айтыңдаршы дүниедегі ең қымбат адамдар кімдер? (әке, ана, ата, іні, т. б.)
- Бәрін бір сөзбен айтқанда не дейміз? (Жанұя)
- Дұрыс, ендеше бүгінгі сабағымызды бір жанұядай қызықты өткізуге атсалысайық.

Енді мына фигураларды алуларыңды сұраймын (Үшбұрыш, төртбұрыш)

Осы фигуралар арқылы екі топқа бөлінейік. Балалар екі топқа бөлінеді: «Қыран», «Тұлпар».

III. Өткен сабаққа шолу: «Шарлардағы жұмбақ есептер» әдісі

1. Кеше Айнұрдың туған күні еді.

Ертең-жұма. Айнұрдың туған күні аптаның қай күні болды? (Сәрсенбі)

2. Бір қорапта 9 шар бар, бұл екінші қорапқа қарағанда 7 есе аз, екенші қорапта неше шар артық? (2 шар артық)

3. Табақта – 5 алма,

Алды біреуін Алима.

Алды біреуін Салима,

Табақта қалды неше алма? (3 алма)

4. Теңізде қандай тас болмайды? (Құрғақ)

5. Бұтақта 6 қарға отыр еді,

Олардың 3 атып алды.

Бұтақта қанша қарға қалды? (0)

6. Нанды 3 бөлікке бөлу үшін

Неше рет кеседі? (2 рет)

7. Ағаш басында 2 балық отыр еді.

Оларға тағы 2 балық ұшып келді,

Барлығы қанша? (Балық ұшпайды)

8. Әр қалтаға 9 алма салу керек.

85 алма қанша қалтаға салынады,

Қанша алма артылып қалады? (салды 4 алма)

9. Мектепке келе жатқан 5 балаға

Қарама-қарсы 4 бала жолықты

Мектепке неше бала бара жатыр? (5 бала)

10. Үй алдындағы раушан гүлдердің 9 ақ

Қызылы одан 3 есе кем,

Неше раушан гүл бар екен? (3 гүл)

IV. Тәрбие бағыты:

Көрініс «___________________»

Балалар, сонымен жақсылық деген не екен? (балалар өз ойларын айтады, жауаптарын тыңдау) 

- Үлкендерге көмектескен жақсы. 
- Кішілерге қамқор болған жақсы. 
- Мәдениетті болған жақсы. 

- Ұқыпты болған жақсы. 
- Үлгілі оқушы болған жақсы. 

Өзгелерге жақсылық жасасаң, ол өзіңе қайтып оралады. Адамдарға, қоршаған ортаға, табиғатқа деген қайырымдылық пен қамқорлық, жақсылық жасау адамдарды достастырады.

Үйірме жетекші сөзі:
Білім деген биік шың,

Бақытқа сені жеткізер.

Білім деген ақылшың,

Қиындықтан өткізер, - дегендей өз білімдеріңіз мен ақылдарыңызға сене отырып бүгінгі жаңа сабағымызды бастаймыз.

Жаңа сабағымыз 4 кезеңнен тұрады.

І кезең. «Кім жылдам?»

ІІ кезең. «Миллион кімге бұйырады?»

ІІІ кезең. «Кім тапқыр?»

ІV кезең. «Ойлы болсаң, озып көр» топтық жұмыс

Жаңа сабақ: Жаңа сабақтың тақырыбын ашу үшін Ой қозғау әдісін пайдаланайын.

Балалар жыл мезгілдерін есімізге түсірейікші.

Бір жылда неше мезгіл бар?

Қазір жылдың қай мезгілі?

Еңдеше қыстың сәнін келтіру үшін тақтаға 4 оқушыны шақырамын.

І кезең. «Кім жылдам?» «Қоржынды асықпен толтыр» әдісі

Мұнда асыққа жазылған есептерді жылдамдықпен тақтаға шығару қажет.

Қанекей, асықтардағы математикалық сұрақтарға дұрыс жауап беріп, кім қоржынды тез толтырады екен?