Ғұмыр ғибратым

Ғұмыр-ғибратым

«Ұстаз болу-жүректің батырлығы» демекші ұстаз болу менің бала кезімнен армандаған мамандық.Әлі есімде ақ бантигім желбіреген оқушы қыз баласымын.Мен үшін әрбір ұстаздың жүріс-тұрысы,педагогтік стильі,ұстанымдары ерекше қызық болатын.Сабақ үстінде сол кісілердің әрбір іс-әрекеттері мен үшін үлкен өнеге,ғибрат бола тұра,менің қиялыма қанат бітірді.Неше түрлі қиялдар ой-санамда бұрқырап жататын.Осылайша қиялымнан арман,арманымнан мақсатыма жетуімнің сара жолы пайда болды. Яғни мақсатым: «Қоғам болашағы-білімді ұрпақ тәрбиелеп,ұрпақ жүрегінде ұмытылмас із қалдыру»Мектепті бітіре салысымен М.О.Әуезов атындағы ОҚМУ нің ағылшын тілі факультетіне түсіп,2001жылы бітіріп шықтым.Міне осы күннен бастап,қиындығы мен қызығы мол педагогикалық еңбек жолым басталды.Өз мамандығыма деген сүйіспеншілік пен махаббатты айтып жеткізу мүмкін емес.22 жылдық еңбек жолымда жақсы маман иелерін тәрбиелеп шығардым.Солардың ішінен атап өтсем қазір Талғар ауданында мектепте шәкіртім Қаржаубаев Мейрамбек Сейітұлы ағылшын пәнінің майталман білікті мұғалімі болып жұмыс жасауда.Және бірнеше шәкірттерім ел үшін аянбай еңбек етуде.Осылайша еңбек етіп жүргенімде әріптес ұстазым«балабақша әдіскері»болуымды қалады.2019 жылдан бастап әдіскер қызметіне кірістім.Балабақша тұнып тұрған мейірімге,шығармашылық ізденіске,балаға деген ұстаздық махаббатқа толы киелі мекен.Неткен ғажап!Кішкентай ғана бүлдіршіндердің тәтті қылықтары мені қатты баурап алды.Балабақша тәрбие мен білімнің алғашқы баспалдығы екенін ұқтым.Себебі әлі тілі шықпаған бүлдірщінге түрлі сала бойынша дағдыларды қалыптастырып,жеке тұлғаны тәрбиелеп шығару үлкен жетістік. Тәрбиеші суретші,әртіс,әдебиетші,мейірімді,ақылшы дос және бала жанына байыппен қарайтын психолог.Осы кезге дейін ғұмырымда түйгенім: «Педагог келешек ел басқарар,халқын сүйетін,рухани патриот,елінің мәртебесін әлемге танытар жасампаз жандарды шыңдап тәрбиелеуші маман» Әрбір Отанына деген адал ниетті жан өз ғұмырын мәнді де мағыналы , атқарған істерінің жемісі мен жеңісін көруін қалайды.Сол адал сүріп жатқан ғұмырыңнан айналаңдағы адамдар ғибрат алады.Қоғамға жасаған адал қызметіміз өне бойымыздағы өрісті кеңейтеді.