Халықаралық қыздар күні - әлемге тану

Халықаралық қыздар күні - әлемге тану

(танымдық сағат)

Мақсаты: әлем бойынша қыздардың құқықтарын таптауға байланысты мәселелердің алдын алу, бүкіл әлемде тап болатын мәселелерді шешу қажеттілігіне көңіл бөлуге және қыздардың құқықтары мен мүмкіндіктерін жүзеге асыруды және кеңейтуді ынталандыруға үндеу.

І. «Мен кіммін?» атты тренинг.

Мен әдемі гүлмін, себебі....

Мен тамаша әнмін, себебі.....

Мен қызық кітаппын, себебі......

Мен шамшырақпын, себебі.....

ІІ. Кіріспе.

11 қазан - Халықаралық қыздар күні. Бұл Бүкіләлемдік қыздардың құқықтарын қорғау мақсатында пайда болған мейрам. Осы мейрам жайындағы ұсынысты Канада айтып, БҰҰ Бас Ассамблеясы жанынан қолдау тапқан соң 2012 жылы бекітілген.

Халықаралық қыздар күнінің мақсаты - әлем бойынша қыздардың құқықтарын таптауға байланысты мәселелердің алдын алу болып табылады.

Бұл күн қыздар бүкіл әлемде тап болатын мәселелерді шешу қажеттілігіне көңіл бөлуге және қыздардың құқықтары мен мүмкіндіктерін жүзеге асыруды және кеңейтуді ынталандыруға үндейді.

Бүгінгі қыз - ертеңгі ана. Бала­ның тағдыры анаға тікелей байланысты.

Бірін­ші­ден, қыз балаға дұрыс тәрбие беруіміз керек. Әр үй­дің қыз баласы тәрбиелі болса, қоғам тәр­биелі болады. Екіншіден, өз үйі­мізді таза ұстауымыз керек. Әр үйдің іші, есігінің алды таза болса, қаламыз, еліміз таза болады. Қыз бала тазалыққа, ұқыптылыққа үйренеді. Үшіншіден, өз көршімізбен тату тұруымыз керек . Әр көрші тату болса, еліміз ынтымақта болады. Қыз бала татулық пен ынтымақтың маңызын түсінеді. Әрбір отбасы осы үш қағиданы дұрыс ұстанса, біздің болашағымыз баянды болады.

ІІІ. Негізгі бөлім.

• Ой қозғау.

• Қыз бала қандай болуы керек?

• Қыз баланың тәрбиесіне кім жауапты?

• Қыз балалар арасында болатын келеңсіз жағдайлардың себебі неде?

• Қыз баланың құқықтары мен мүмкіндіктері туралы не білесіздер?

• Мақалдың мағынасын ашу.

1. Ананың алақаны - балаға айдынды қоныс.
2. Ана сүтін ақтамағанды - ешкім жақтамайды.
3. Анасын сыйламағанды адал деме, ұстазын сыйламағанды адам деме.
4. Ананың ізін қыз басар.

• Өлең жолдарынан үзінді оқу.

Мен қазақ қыздарына қайран қалам,
Жанары, жаны жаздай жайраңдаған.
«Қыз өссе - елдің көркі» деген сөзді,
Қапысыз қалай айтқан қайран бабам!

Қыз сұлу көрінеді қылығымен,
Жарыса төгілген қос бұрымымен.
Бұл күні сұлулықтың үлкені осы,
Қыз сұлу көрінеді білімімен.
Қыз сұлу көрінеді өрнегімен,
Тізілтіп сөз маржанын тергенімен.
Дарытқан бар асылды өз елінен,
Қыз сұлу көрінеді өнерімен.

ІҮ. Рефлексия.

тәрбие

қыздар

болашақ ұқыптылық

отбасы татулық

ынтымақ

Ү. Қорытынды.

Елбасымыз Н.Ә.Назарбаев «Бо­ла­шаққа бағдар: рухани жаң­­ғы­ру» мақаласында «Жаңғыру атау­лы бұрынғыдай тарихи тәжірибе мен ұлттық дәстүрлерге шекеден қарамауға тиіс. Керісінше, замана сынынан сүрінбей өткен озық дәстүрлерді табысты жаңғыртудың маңызды алғышарттарына айналдыра білу қажет», - деп атап көрсет­ті.

Ұрпақ тәрбиесі - ұлт болашағы­­ның кепілі. Әр бала атаның қаны­­мен, ананың сүтімен келетін туабітті қа­сиеттер сияқты ұлттық рухани құн­дылықтарды да ең алдымен отбасында ата-ананың тәрбиесімен бойына сіңіретіні анық.

Ендеше ұлттық тәрбие - ұлт болып ұйысудың, ел болып ертеңге нық қадам басудың негізі болмақ. 

Сынып: 6 «б»

Сынып жетекшісі: Буденова С.К.

2020 - 2021 оқу жылы