«Қошақан» бөбекжайы

«Ханталапай» қазақтың ұлттық ойын. (Ата-аналармен)

Дунбаева Алмагуль Кабидулақызы

(Дене шынықтыру нұсқаушы)

Қажымұқан ауылы 2024ж.

Ханталапай
Мақсаты: Қазақтың ұлттық ойындары арқылы балалардың жас ерекшелігіне байланысты логикалық ой жүйесін дамыту, жылдам шешім қабылдауға баулу, ұлттық құндылықтар мен мәдениетті бойына дарыту, салт - дәстүрлерді насихаттау.
Міндеттері:
- Ұлттық мәдениет пен дәстүрлердің ерекшелігін айқындау;
- Отанына, еліне, туған өлкесіне деген сүйіспеншіліктерін қалыптастыру
- салауатты өмір салтына баулу.
Әдіс - тәсілдері: Түсіндіру, көрсету, сұрақ - жауап

- ойын ережесімен таныстыру;
- ойын басталғанын жариялау.

Ойынға қатысушы балалар:
(7 бала қатысады)
"Ханталапай" ойыны.

Ойын шарты: «Талапай - ау, талапай, табылды ойын алақай» - деп, қоржындағы асықтарды отырған балалардың алдына шашады. Балалар жарыса «Ханталапай» деп дауыстап, асықтарды таласып, бөліп алады. Жинаған асықтардың ішінен әр бала ойынға бес асықтан тігеді. Хан асығы қолына түскен бала алғашқы болып ойынды бастайды. Сонымен бірге балалар бүк асықпен бүк асықты, шік асық пен шік асықты ату арқылы мергендік танытып, асық жинайды. Асықтарды бір - біріне тигізе алмаған жағдайда ойын жүргізушінің сұрақтарына жауап береді. Екінші рет тигізе алмаған жағдайда ойын кезегі келесі балаға беріледі. Ойын осылайша жалғаса береді. Ойын соңында хан асығын ұтып алған бала жеңімпаз атанады.